موضوع حايغير حياتك

[]
كلام إنهاردا غير أى كلام قلناه قبل كدا ...كلام إنهاردا درس عملي جدا محتاج منك شغل و بذل جهد ...و محتاج منك إنك تجاهد نفسك و تصبر عشان تقدر عليه
درس إنهاردا هو كيف نعيش بالقرأن؟؟؟
كيف نتأثر بالقرأن؟؟؟؟؟

يالا نبدا مع بعض؟؟

نبدأ كلامنا و نقول إيه هو القرأن:يعني إيه قرأن؟؟هو كلام الله(كلام ربنا)الموحى لرسول الله ..يبقى هو كلام ربنا إللي نزلو على سيدنا محمد صلى الله عليه وسلم
حسيت المعنى دا حسيت إن دا كلام الله لييك إنت شخصيا...القرأن دا شفاء لينا يامسلمين شفاء لينا يا أمة محمد
الناس إللي بتقول أنا على طول بحس إني زعلان و حزين طب ما تجرب تقرأ كلام الله شوف ربنا بيقول إيهقل هو للذين أمنو هدى و شفاء)
مفيش حاجة هتشيل عنك الهم إلا القرأن.....مفيش حاجة هتخرجك من الظلمة إلى النور إلا القرأن
مصدق ربنا؟؟؟طب إسمع يقول تعالىكتاب أنزلنه إليك لتخرج الناس من الظلمات إلى النور)مصدق رب العالمين طب ما تقرأ القرأن
يقول النبي في الحديث الذي يرويه الإمام علي إبن أبي طالب يقول علي جئت للنبي فقال لي ياعلي ألا إنها ستكون فتنة فقلت و ما المخرج يا رسول الله فقال :كتاب الله والله صدقت يارسول الله أدي الفتن بقيت كتيرة أوي طب نعمل إيه؟؟ ما النبي قالك الحل كتاب الله
دا كتاب صالح لكل زمان و مكان
الكتاب الوحيد إللي كل ما تقرأه تزداد له شوقا كل ما تقراه أكتر متزهقش منو أبدا

تعالو نشوف فضل القرأن:

القرأن فضله عظيم جدا شوف هيعمل معاك إيه أول ما تموت
(لما تموت وأثناء إنشغال أقرايبك بالدفن و الجنازة يقفُ رجلٌ وسيمُ جداً جنب رأسك.. وعند تكفين الجثّة, يَدْخلُ ذلك الرجلِ بين الكفنِ وصدرِ الميّتِ . وبعد الدفنِ, يَعُودَ الناس إلى بيوتهم , ويأتي القبرِ ملكان مُنكرٌ ونكير , ويُحاولانَ أَنْ يَفْصلاَ هذا الرجلِ الوسيم عن الميتِ لكي يَكُونوا قادرين على سؤال الرجلِ الميتِ في خصوصية حول إيمانِه .
لكن يَقُولُ الرجل الوسيم : "هو رفيقُي, هو صديقُي. أنا لَنْ أَتْركَه بدون تدخّل في أيّ حالٍ منَ الأحوالِ .
إذا كنتم معينينَّن لسؤالهِ, فأعمَلوا بما تؤمرونَ. أما أنا فلا أَستطيعُ تَرْكه حتى أدخلهْ إلى الجنةِ ".
ويتحول الرجل الوسيم إلى رفيقه الميت ويَقُولُ له :
"أَنا القرآن الذيّ كُنْتَ تَقْرأُه, . لا تقلق. فبعد سؤال مُنكرٍ ونكير لا حزن بعد اليوم ..

*طب تعالو نشوف أحاديث النبي عن فضل القرأن؟؟
يقول النبي (أقرأو القرأن فإنه يأتي يوم القيامة شفيعا لأصحابه)
النبي بيقولك إقرأ مش أحفظ
الناس إللي خايفة من يوم القيامة أقرأو قرأن كتير

يقول النبيمن قرأحرف من كتاب الله فله به حسنة و الحسنة ب10 أمثالها لا أقول لكم ألم حرف بل أ حرف و ل حرف و م حرف)
يعني حضرتك تفتح المصحف لسة بتقول ياهادي بسم الله الرحمن الرحيم كام حرف؟؟
19 حرف يعني أنت لسة مبدأتش و بقى معاك 190 حسنة
طب الجزء كام حرف ؟؟تقريبا 70 ألف حرف يعني في ربع ساعة تقرأجزء بقى معاك 700 ألف حسنة يعني داخل في المليون حسنة في ربع ساعة يا نهار أبيض بالله عليك ما تضيع الثواب دا

يقول النبيما أجتمع قوم في بيت من بيوت الله يتلون كتاب الله ويتداراسونه بينهم إلا
_حفتهم الملائكة
_غشيتهم الرحمة
_نزلت عليهم السكينة
_ذكرهم الله فيمن عنده
تخيل ولله المثل الأعلى حد من الشيوخ ولا من الدعاه جاب سيرتك هتبقى فرحان جدا تخيل رب العالمين بيذكرك يانهار أبيض يالا بالله عليك أقرأ قرأن

يقول النبيأهل القرأن هم أهل الله و خاصته) يعني أهل القرأن دول أولياء الله تخيل ربنا وليك مين يقدر يعملك حاجة يالي بتقرأقرأن على طول؟؟؟؟

يقول النبييقال لصاحب القرأن أقرأ و أرتقي و رتل فإن منزلتك عند أخر أية تقرأها)
نقف مع الحدي دا شوية يقال لقارئ القرأن فين؟؟؟في الجنة تخيل
الحاجة الوحيدة إللي هتعلي منزلتك في الجنة القرأن
يقول بعض العلماء :إن عدد درجات الجنة بعدد أيات القرأن يا خبر فما بالك باللي حافظ القرأن؟؟؟

*طب تعالو نشوف الواجب العملي:
واجبنا نحو القرأن؟؟إيه واجبنا تجاه القرأن؟؟
عندنا 5 واجبات لو عملتهم يبقى ليك كل الفضل إللي قلناه دا
مستعد؟؟؟
الواجب الأول:
ختم القرأن يبقى ليك ورد كل يوم لازم تقرأه
شوف الصحابة:
دخلو على أحد الصحابة فوجدوه عمال يبكي و يبكي فسألوه:لماذا تبكي؟؟ألم وجعاك؟؟
فقال:أشد
فقالو:مات بعض أهلك؟؟
فقال:بل أشد
فقالو:فقدت مالك قال بل أشد
فقالو:وما أشد من ذلك؟؟في إيه أصعب من كدا
فقال:نمت بالأمس ولم أقرأ وردي و هذا لذنب أذنبته
يا خبر أبيض أما إحنا نقول إيه ؟؟؟؟ هنقول لربنا إيه لما يسألنا إنتو ليه هجرتو القرأن؟؟؟
يالا بالله عليكو الجزء 20 صفحة تقرأه في 20 دقيقة تقريبا بالله عليك مش عارف تلاقي 20 دقيقة في اليوم عشان تقرأ كلام ربنا؟؟؟
ممكن أسأل سؤال هي العشرين دقيقة دول كثير على ربنا؟؟
إحنا بنعقد نقرأ جرايد و مجلات و نرغي طول اليوم
هو ممين إللي خلقلك العنين إللي بتقرأ بيها مش ربنا كثير عليه تقرأ كتابه؟؟؟؟
دا الواجب الأول

الواجب الثاني:


تعلم قرأة القرأن
يعني إيه؟؟يعني أقرأ القرأن بأحكامه
ليه؟؟لإن النبي كان بيقرأ القرأن كدا و أنت مطالب إنك تقرأ ذي النبي
بالله عليك مش بقى حاجة حلوة أوي لما الحرف يطلع من فمك ذي ما كان بيطلع من فم النبي من 1400 سنة جميلة أوي
إسمع النبيالذي يقرأ القرأن و هو ماهر به مع السفرة الكرام البررة و الذي يقرأ القرأن و يتتعتع فيه و هو عليه شاق له أجران أجر القرأة و أجر المشقة) يخبر أبيض على الثواب
بالله عليك مش هتتعلم بقى؟؟طب شوف النبي بيقول إيه (خيركم من علم القرأن و علمه) يعني أنت من أخيار الناس و إنتي من أخيار الناس
مش عايز تبقى من أخيار الناس؟؟طب يالى مستني إيه
إنزل إتعلم في جامع ... إنزل إتعلم في مقرأة ... إنزلي إتعلمي في أى مسجد إللي مش لاقي حد يعلموا يقولي أديلو رقم محفظ يجيلو لحد البيت يعلمه في أسهل من كدا؟؟؟

*الواجب الثالث:
أن تتأثر بالقرأن و تتفاعل به:
إزاي؟؟ يعني تسمع الأية قلبك يتهز
تحس إنك متفاعل مع الأية كإنك شايفها
تحس وإنت بتقرأ إنك طلعت من الدنيا و بتسمع من الله عز و جل.... عمرك حسيت الإحساس دا؟؟؟
شوف النبي كان بيخشع إزاي
يقول عبدالله إبن مسعود أن النبي نادى عليه فقال له:أقرأعي القرأن
فقلت:أأقرأه عليك و عليك أنزل
فقال:إني أحب أن أسمعه من غيري
فجلست أقرأ عليه من سورة النساء حتى وصلت إلي قول الله تعالىفكيف إذا جئنا من كل أمة بشهيد و جئنا بك على هؤلاء شهيدا) فقاللي النبي حسبك الأن فنظرت في و جه النبي فإذا عيناه تذرفان بالدموع
صلى الله على محمد صلى الله عليه وسلم

شوف سيدنا أبوبكر لما جيه وفد للنبي عشان يسمعوا القرأن فلما قرأه عليهم بكوا جمعا فقال أبو بكر كنا كذلك قبل أن تقسو القلوب ثم بكى أبو بكر بكاء شديد تخيلو أبوبكر الصديق بيتكلم عن قسوة القلوب يالا بقى بالله عليكو
والله القرأن ما صعب أقرأ بتدبر و خذ النية إن شاء الله هتفهم دا ربنا قال ولقد يسرنا القرأن للذكر فهل من مدكر) ربنا يسر فهمه و حفظه عايزين إيه تاني ؟؟ ممكن أقولك حاجة تعينك على التأثر بالقرأن أقرأ التفسير أسمع ربك بيقول إيه(الله نزل أحسن الحديث كتاباً متشابهاً مثاني تقشعر منه جلود الذين يخشون ربهم ثم تلين جلودهم وقلوبهم إلى ذكرالله) "

*الواجب الرابع:

أحفظ القرأن و راجع على حفظك القديم
الناس إللي كانت حافظة و نسيت والله هتتسئل على اللي كنت حفظه هتقول لربنا إيه؟؟؟
شوف النبي بيقول إيه(عرضت علي ذنوب أمتي فلم أجد ذنب أعظم من سورة أو أية أوتيها رجل ثم نسيها)
دا ذنب عظيم أوي
أبدأ بالجزء الثلاثين و ال29 و ربنا هيفتحها عليك والله إنت كدا بدأت تبقى من أهل القرأن بجد إفرح

*الواجب الخامس و الأخير
العمل بالقرأن يعني إيه؟؟؟
يعني طبق بقى إللي إنت إتعلمته
شوفو الصحابة لما نزلت الأية بتاعت تحريم الخمر بيقولك صحيو الصبح الشوارع متغرقة كل اللي كان عنده خمرة كسرها
شوفوا الصحابيات أول ما نزلت أية الحجاب كله نفذ الأمر كله إتحجب
يالا نقلدهم
عشان تتغير أوعى تتلقى القرأن للسمع تلقاه للتنفيذ .... أسمع القرأن عشان تعمل بيه
الصحابة لما كانو يسمعو يأيها الذين أمنو ينصتو يقولو هنشوف ربنا هيقولنا إيه
تعرف تتعامل مع القرأن كدا؟؟؟؟
لو منفذناش الواجبات دي يبقى إحنا كدا هجرنا القرأن
أوعى تكون من إللى النبي قال فيهموقال الرسول يارب إن قومي أتخذو هذا القرأن مهجورا)
بالله عليكو حد فينا هيهجر القرأن بعد كدا ؟؟؟أنا كدا خلصت إللي عايز اقوله بس في حاجة مهمة متيجي نشوف القرأن عايز منك إيه عشان تعرف تفهمه؟؟؟
القرأن كله بيركز على 5 محاور رئيسية


*المحور الأول:

معرفة الله عز و جل(معرفة صفاته_أسماءه_قدرته_ملكه_حبه_الخوف منه) لما تفتح المصحف هتلاقي ألاف الأيات إللي بتتكلم عن ربنا صح؟؟
*
المحور الثاني:

معرفة سبب وجودك في الدنيا وليه أتخلقت و إزاي إتخلقت عشان كدا قصة سيدنا أدم مذكورة كتير في القرأن عشان تعرف إنت جيت إزاي


المحور الثالث*:

معرفة نعم الله عليك (فضل ربنا عليك)

*المحور الرابع:

معرفة نهايتك و إلي أين تنتهي
خلاص عرفت ربك و عرفت إنت جيت إزاي و عرفت نهايتك و نعم ربا عليك يقوم جايبلك المحور الخامس

*المحور الخامس:
إصلاح حياة البشر
تلاقي أيات الشرائع و أيات الأخلاق و قصص الأنبياء إللي تعلمك حاجات مهمة أوي تقدر تغير بيها من نفسك
دول ال5 محاور إللي بيتكلم عنهم القرأن فهمنا القرأن بيكلمنا عن إيه؟؟
لما تفهم الحاجات دي تفرح ولا لأ؟؟دا القرأن بيوجهنا
عشان كدا بنسمع عن حالات إنتحار كثيرة أوي في دول أوروبا عشان محدش عارف نهايته إيه محدش عارف هو مخلوق ليه ..شفت أد إيه القرأن عظيم هنقرأ قرأن؟؟؟

تعالو نشوف أخر حاجة إيه هي؟؟؟
*معجزة القرأن
الحقيقة إن معجزات القرأن تعددت طب ليه؟؟عشان يفضل الناس ليوم القيامة منبهرين بالقرأن

أول إعجاز هو الإعجاز البلاغي:

_مفيش في القرأن حرف زايد ..مفيش حرف ملوش لزمة
شوف قول اللهوسيق الذين اتقوا ربهم إلى الجنة زمراً حتى إذا جاؤوها وفتحت أبوابها)
وفتحت أبوابها
شوف ديوسيق الذين كفروا إلى جهنم زمراً حتى إذا جاؤوها فتحت أبوابها )
فتحت أبوابها
طب ليه هنا في و و هنا مفيش؟؟؟
عشان الواو بتعني التمهل فأصحاب الجنة هيبقو شايفين الجنة قبل ما يدخلوها
إنما الكفار هيتفجؤ بالعذاب هيجيلهم فجأة
إيه الإعجاز دا ؟؟؟
شوف الإعجاز في الجمل قال تعالىوَوَصَّيْنَا الإِنسَانَ بِوَالِدَيْهِ حَمَلَتْهُ أُمُّهُ وَهْنًا عَلَى وَهْنٍ وَفِصَالُهُ فِي عَامَيْنِ أَنِ اشْكُرْ لِي وَلِوَالِدَيْكَ إِلَيَّ الْمَصِيرُ)
شوف ربنا جاب في الأول الوالدين و في الأخر بردو جاب ال2
في النص جاب الأم بس ليييه؟؟؟عشان فضل أبوك عليك إنت شايفه بيصرف عليك بيأكلك بيجبلك إللي أنت عايزه إنما فضل مامتك إنت مشفتوش مشفتهاش و هي بتولدك مشفتش هي إتحملت إزاي و هي بتولدك فكان لازم ربنا يوريك فضلها عليك إيه الإعجاز دا إيه الكتاب دا بعد كل دا هتهجر القرأن؟؟؟

*نيجي للإعجاز التصويري:

في كل صفحة تلاقي ربنا راسملك صورة كإنك شايفها ..ربما بيقولك تخيل معايا
لو إتخيلت هتحب القرأن
أسمع قول الله(وجاء ربك و الملك صفا صفا)
متتخيل المشهد؟؟ياترى هتبقى عامل إزاي سعتها؟؟
أسمع (وترى الظالمين لما رأو العذاب هل إلى مرد من سبيل (ممكن نرجع)وتراهم يعرضون عليها خاشعين من الذل ينظرون من طرف خفي(مش قادرين يبوصو))
حاسس بيهم؟؟متخيل المنظر؟؟ تعرف تعيش مع الصورة كدا
في كتابين حلوين جدا عشان التخيل دا (مشاهد القيامة في القرأن)
(التصوير الفني في القرأن)
للشيخ سيد قطب
هيسعدك أوي على التخيل التفاعل بتاعك مع القرأن هيزيد أوي

*الإعجاز الرقمي:



كلمة الشدة و مشتقتها جاءت في القرأن 114 مرة
وكلمة الصبر جاءت في القرأن 114 مرة
إيه الإعجاو دا ؟؟؟؟

كلمة شهر جاءت 12 مرة
كلمة يوم جاءت 365 مرة يا سحان الله

كلمة إبليس جاءت 11 مرة
و الإستعاذة من إبليس جاءت 11 مرة

كلمة البحر جاءت 32 مرة و
كلمة البر جاءت 17 مرة ..يعني بالنسبة المؤية 71% البحر و 29% البر
تعالى بص على الخريطة هتلاقيها النسبة الصحيحة
إيه القرأن دا إيه العظمة دي

*أخر حاجة الإعجاز الإصلاحي:


دي معجزة القرأن العظيمة إن يطلع رجالة كانو ضايعيين و بعيد أوي عن ربنا ينفذو إللي في المصحف يتحولو لقادة للعالم و يصبحو من أعظم المصلحين في الأرض
الكتاب دا إللي طلع أمة مهزومة عابدة للأصنام خلاهم في 25 سنة قادة العالم ل 1300 سنة
الكتاب دا إللي حول عمر إبن الخطاب شوفو كان إزاي قبل ما يسلم دا كان بيؤد البنات أصبح من أعظم الشخصيات إللي ممكن تعرفها كل دا ليه؟؟ عشان عمل إللي في الكتاب
في معجزة أعظم من كدا؟؟؟
في حد يبقى عندو الكتاب دا و يركنو على الرف؟
في حد يبقى عنده الكتاب دا و ميقرأهوش؟؟
دا يبقى قاسي أوي
بالله عليكو متنسوش واجبنا نحو القرأن
أسف إني طولت عليكم يارب أنفعكم بالكلام دا (فستذكرون ما أقول لكم و أفوض أمري إلى الله)

شكرااا لك استاذ عصام