ههههههههههه موضوه يجنن ولا التعليقات تهبل حتمووت من الضحك - طبيب مصرى يعلن انشاء جمعية لمنع القبلات بين الأزواج

17/5/2009

حتمووت من الضحك - طبيب مصرى يعلن انشاء جمعية لمنع القبلات بين الأزواج بصراحة انا اترددت قبل مااضيف الموضوع ده - بس محبيتش اضحك لوحدى

أجمل مافى الموضوع هو تعليقات القراء

ممسكتش نفسي من الضحك لما قريتها

أرجوا منكم أن تقرؤوا المقال جيدا قبل قراءة التعليقات

-----------

في تقليعة جديدة لا يعرف أحد الهدف منها أعلن دكتور عادل عاشور أستاذ طب الأطفال بكلية الطب جامعة القاهرة عن رغبته في إنشاء جمعية لمنع القبلات بين الأصدقاء وزاد على ذلك بإعلان رغبته في منع القبلات بين الأزواج و هو الأمر الذي بدا غريبا وفجر المناقشات داخل المجتمع المصري.
وعن السبب الرئيسي في طرحه فكرة إنشاء الجمعية أكد الدكتور عادل أن كافة الأبحاث العلمية التي نشرت في كبرى المجلات الطبية العالمية أجمعت على الأضرار الطبية الخطيرة التي يسببها تبادل القبلات من خلال انتشار العدوى من الأمراض الخطيرة الفيروسية والميكروبية وأبرزها
الأمراض الجلدية ويأتي على رأسها حب الشباب ومن الأمراض الميكروبية مثل مجموعة الميكروبات العنقودية وهي ميكروبات موجودة في فم الإنسان بصورة طبيعية كذلك الحمى الشوكية والأمراض الفيروسية التي تنقلها القبلة أيضا مثل الزكام والرشح والتي يجب عدم الاستهانة بها حيث قد تصيب الخلايا المبطنة لخلايا المخ وينتج عنها ارتفاع شديد في درجة الحرارة يصعب السيطرة عليها وقد تؤدى إلى الوفاة في بعض الأحيان أيضا
التهاب الغدة النكفية و كذلك الحصبة الرمادية والألمانية والفيروسات الكبدية وأكد أن الجمعية تضم في عضويتها كافة التخصصات الطبية لشرح الآثار السيئة للقبلة وعن رأى الدين في أهداف هذه الجمعية أكد الدكتور إسماعيل معروف بجامعة الأزهر أن تعاليم الدين الإسلامي تحرم القبلة في غير الإطار الزوجي وقد أكد العلم على وجود إضرار جسيمة لذلك وعن أراء المواطنين حول هذه الجمعية المزمع إنشاءها تنوعت الآراء بين الرفض والقبول.
هدى محمد طالبة بكلية العلام وصفت الإعلان عن الجمعية بأنه كوميدي و لا يهدف سوى إلى لفت النظر إلى القائمين عليها إذ افتقد الإعلان عن منع القبلات الأساليب التي سوف تتبع للتأكد من حدوث هذا المنع

التعليقات

1
وانا بقـول الرئيس البوسني مات ليه؟؟
ــــــــــــــــــــــــــــــــــــــــــــــــــ ـــــ
2 روح شوف العيش المسرطن ولا الشيبسي ولا مياه المجارى ولا الخضروات
المسرطنه والهرمونات ولالالالالا وبعدين إتكلم على البوس يا دختور
ــــــــــــــــــــــــــــــــــــــــــــــــــ ـــــــــــــــــــــــــــــــــــ
3 ده يستاهل 80مليون بوسه من 80 مليون بوووؤ عشان تجيله كل الامراض اللى
فـ الدنيا
ــــــــــــــــــــــــــــــــــــــــــــــــــ ــــــــــــ
نحن جمعية هنبوس هنبوس حتى لو البوس بفلوس
ــــــــــــــــــــــــــــــــــــــــــــــــــ ـــــــــــــــــــــــــــــــــــ
5 الحياة من غير بوس زي قُـلّة من غير ميّة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
6 مش عارف اقول أيه مش كفاية مش لاقين نتجوز كمان اللى متجوزين مش حايبوسوا ؟ طب ده نسميه أيه ؟
دانتا بني آدم مفتـري ومش لاقيلك شغلانه
إتنيـل
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ ــــــــــــــــ 7
اليوم تقليعة البوس ينقل الامراض الجلدية وبكرة لاتلمس جسد زوجتك لمنع
انتشار الامراض الجلدية وبعد غدا يستحسن ابادة صنف النساء، انكم تسعون لتحريم الحلال (واضح ان البوس عامل مشكلة للدكتور)
اقولك حاجة، اعمل زي
اللمبي بلغ لجنة حروق الانسان
ــــــــــــــــــــــــــــــــــــــــــــــــــ ــــــــــــــــ
8 طيب ولما رغيف العيش يقع على الارض أجيبه وابوسه ولا غلط..؟
يا حلاوة على العلم واللي بيتعلموه
واحب اقول لسعادة الدكتورة الفاضل ادرسلك حاجة تنفعك احسن وسيب الناس تبوس ياعم وبلاش وساوس
ــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ 9
هذا كلام فاسد و باطل بدون تردد ، و معارض لصحيح السنة النبوية ، فقد
ثبت أن النبي صلى الله عليه و سلم كان يقبل زوجاته ، و كان يقبل
السيدة فاطمة و الحسن و الحسين رضي الله عن الجميع ، و أفتى للشيخ
بالقبلة في الصيام .
أنصح الدكتور أنه يبيع لب و يبطل تخاريف.
ــــــــــــــــــــــــــــــــــــــــــــــــــ ــــــــــــــــــــــــــ 10
واحد يحرم البوسة بين الأزواج ، وواحد يحلل إن الواحدة ترضّع زميلها ،
ما ترسونا على بر نرضع وما نبوسش ولا نبوس وما نرضعش
ــــــــــــــــــــــــــــــــــــــــــــــــــ ـــــــــــــــــــ 11
انا عايزه اطمن الدكتور ده واقوله انه ولله الحمد معظم الازواج فى مصر
مابيبسوش بعض اصلا !! بوس ايه يا عم بلاش قلة ادب ، هوه احنا بنتجوز وندفع دم قلبنا ولاد وبنات علشان نبوس !! ايه المسخره ديه !!!
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ 12
يعنى لو واحدة اسمها بوسي تغيره ويبقى "متبوسيش" بس كده اتحلت خلاص مع تحيات شركه متبوسيشي لانسر
يا عم بوس ايـه اللى عايز تمنعه؟؟
فكك من إلي إنت فيه
ــــــــــــــــــــــــــــــــــــــــــــــــــ ـــــــــــــــــــــــــــــ
13 دة الواحد بيبقى لسة سايب صاحبه من ربع ساعة، يشوفه تاني يقوم نازل فيه بوس.. بوس
أخوية طبعاً..
وكمان عايز تمنعه بين الازواج...
لا ده كده الواحد يلحق يتجوز قبل ميبقى قرار جمهوري ويتناقش فى
مجلس الشعب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ
14 يعني بوس الواوا بح ؟
ــــــــــــــــــــــــــــــــــــــــــــــــــ ـــــــــــــــــــــــــــــــ
15 على رأي الفنان محمد رضا : مش هنبوس بقى
ــــــــــــــــــــــــــــــــــــــــــــــــــ ــــــــــــــــــــــــــــــــــــــ
16 ممكن كل واحد قبل ما يبوس البت بتاعته يتمضمض بمحلول ' البيتادين' ويدهن شفايفه برضو بمحلول ' البيتادين' وبعد ميخلص البوسه يتف تلات مرات ويشرب
كباية ....أكيد ' بيتادين'...
ربنا يشفيكم يا دكاترة !
قال إيــه .. عاوزين يمنعوا البوس ؟؟ خُـد فطيرك أحسن
ههههههههههههه
اتمنى لكم
بوسة نقية
samy

عضو ماسى 17/5/2009 : 13/03/2010 العمر : 44

طيب يا استاذ سامي معقوله نمنع القبلات بين الازواج
طب هو فيه .........من غير بوس
تقبل مروري واحترامي
محمد المنتصر
العاشق

17/5/2009