هذا شعر خالد لصديق عمره وقصه هذا الشعر ان خالد اصاب بمرض اللوكيميا (( سرطان الدم )) الله يكفي المسلمين شره وكتب خالد هذه القصيده وهو مريض وحطها بظرف وكتب على الظرف الى طارق صديق عمري وهذا الشعر وصيه يوصي صديقه على زوجته ويحطها بعيونه وتوفي خالد وادعوا له بالرحمه الله يرحمه خالد عقيم ما جاب اولاد ولا بنات لكن تزوج طارق زوجه صديقه الوحيد الصدوق وجاله ولد وسماه خالد الشعر من جد روعه لا يفوتكم
وياليت تردون مو مثل مواضيعي ما تردون عليها
88888 الـــــشعر
8888 الــــشعر
888 الـــشعر
88 الــشعر
8 الشعر
drawGradient()
وصاتي لك من بعدي ..... تموت فيها علشاني
ابيها تعيش و تحيا بك .... واظل بالذاكره مفقود
وصاتي لك تنسيها ....... ملامح وجهي و تنساني
وتعزفها قصيدة حب...... على عكس اللي عزفته بعود
وصاتي لك تبعدها ..... عن اشعاري وقيفاني
تراها مغرمة بالحيل ...... ويشهد لي عدد الردود
وصاتي لك تسايرها ...... ترى فيها من احزاني
طلبتك لايضيق بالك ........ طلبتك والطلب مردود
وصاتي لك تعاملها ........ بطيبه قلب و احساني
تراها تذرف الدمعه ........ ودمعتها بليٌا حدود
وصاتي لك تحفظها ........ سور وآيات قرآني
وتخبرها عن الميت ........ رحل لايمكنه بيعود
وصاتي لك ترسمها ........ على قبري وأكفاني
ابيها لوحة تبقى ........ على طول الزمن محدود
وصاتي لك تمازحها ........ وتشوف الضحكة بأسناني
سعيتك ياضحك هالكون ........ طلبتك لاتصير جلمود
وصاتي لك تقهويها ........ من دلالي و فنجالي
تراها تعشق السمرا ........ ويكفيها دخون العود
وصاتي لك تركبها ........ على خيلي و على حصاني
وربي فارسة من قلب ........ شهادة ماهي لشهود
وصاتي لك تسفرها ........ بلاد الشام و لبناني
ترى يحلالها تقطف ورده ........ وردة من بلد الورود
وصاتي لك تراقصها ........ على الحان رحباني
ترى فيها عرق خالة ........ وفيها من جنون السود
وصاتي لك تحببها ........ فأبونورة بعد هاني
وتنسيها ندم غلطة ........ انا فيها ترى المقصود
وصاتي لك تكرهها ........ في تاريخي و عنواني
أبيها تلعن اللحظة ........ وتلعن كل فرح موعود
وصاتي لك تكلمها ........ عن المجني وعن الجاني
وتخليني انا الظالم ........ وانا من حرق الاخدود
وصاتي لك تشبهني ........ بدم أحمر قاني
وانا هالقاتل السفاح ........ مجرم من عصر نمرود
وصاتي لك تحلفها ........ تتوب تحبني ثاني
ترى يكفيها ماعانت ........ ويكفي حيلها مهدود
وصاتي لك تنسيها ........ وصية قالها لساني
أنا اخبرك رجل موقف ........ وانت قدها وقدود
صديقي مالقيت غيرك ........ يعرف وشلون تنساني
أمانه ضمها بقلبك ........ ترى خالد....رحل مايعود
