الدنيا جرى فيها ايه --وايه اللى بيجرى فيكى يامصر
الدنيا جرى فيها ايه سؤال سالته ومالقتش اجابة عليه هى الدنيا اتغيرت ولا النفوس جرى لها ايه هى الدنيا هى الدنيا ولا الدنيا جرى فيها ايه
والناس هما الناس ولا الناس جرى لها ايه والبنى ادميين مالهم اتغيروا واتبدلوا واتشكلوا ليه اتغيرت النفوس والبنى ادميين وبقت على كل شكل ولون وكل صنف ونوع وزادالجفا وزادت القسوة ليه وعم الفساد فى كل جهة ليه وزادت الجريمة وكترت هنا وهناك وفى كل مكان وليه التسيب والانحلال بقى فى كل مكان
والجريمة لها انواع وانواع وانواع ياترى العيب فى الدنيا ولا العيب فينا وفى النفوس ياترى العيب فى التربية ولا فى التعليم ولا التنشئة فى البيوت ولا فى البعد عن ديننا
والبعد عن سنة رسولنا وعاداتنا وتقاليدنا العربية والاسلامية
وسمعت من كتير وكتير صغير وكبير وشباب وفتيات وطلبه وطالبات وسيدات عاملات وموظفات وربات بيوت وشيوخ كبار والسؤال اللى كان هى الدنيا جرى فيها ايه وعرفت حاجات ومحتاجات كثير وكثير على اللى حصل وكان لما سالت السؤال فى عدة اتجاهات
وفى بلدى مصر وبلد المصريين مصر التاريخ اللى عاش فيها قدماء المصريين قبل التاريخ على مر العصور من عصر الفراعنة الى عدة عصور كتير وكتير وعصور كثيرة من غزاة ومحتلين الى العصر الاسلامى والعصر الفاطمى والعصر المملوكى الى عصرنا الحديث اللى فيه اسس محمد على الكبير مصر الحديثة وبعده كانت ثورة 23 يوليو المجيدة الى كملت المسيرة واكملت تاسيس مصر ونهضتها وما بينهما من عصور عديدة الى عصرنا الحالى كانت مصر امن وامان لعدد كبير من الرسل والانبياء ولجاوا اليها ودخلوها انبياء ورسل عديدة فعاش بيها وعلى ارضها وبين ناسها وشعبها ومواطنيها سيدنا يوسف بن يعقوب وسيدنا يعقوب واولاده من الاسباط وكذلك عاش فيها وبين اهلها وناسها وعلى ارضها سيدنا موسى واخوه هارون ولجات اليها ايضا السيدة مريم العذراء البتول ام المسيح عليه وعلى نبينا الصلاة والسلام هربا من بطش اليهود والرومان وكذلك حضر اليها سيدنا ابراهيم وزوجته
السيدة سارة واتخذ معه السيده هاجر المصرية التى اهداها له ملك مصر وتزوجها وانجب منها نبى الله اسماعيل لتكون السيده هاجر ام العرب اجمعين
لجا الى مصر كثير من علماء المسلمين فى الفقه والسيرة والسنة والحديث امثال الامام الشافعى وابو حنيفة النعمان والامام الليثى وغيرهم من الائمة الكثير والكثير مصر التى جاء ذكرها فى القران الكريم 4 مرات وفى عدة سور وقال سبحانه وتعالى (ادخلوا مصر ان شاء الله امنين )وقال عنها الرسول الكريم صلى الله عليه وسلم ستفتح عليكم
ففى الاعلام ----------
والاعلام عندنا وفى كل مكان على عدة انواع وفى كذا اتجاه منه المسموع ومنه المقرؤ ومنه المرئى ومنه المكتوب ومنه الموجود طوال الاربع وعشرين ساعة على طول وتجده ليل ونهار وصبح وظهر كمان على الفضائيات اللى غزت سمواتنا من كل جهة ومن كل صنف ولون ومن كل انحاء العالم تجدها جيالك وعلى الدش طالعالك والاعجب من ده كله وتلاقى
كل ده فيه واللى تجد فيه المسموع والمقرؤ والمكتوب والمرئى كمان النت اللى على الشبكة العنكبوتية موجود والى فى اى وقت وفى اى يوم تدخل عليه تلاقيه وده اخطرهم على الاطلاق حيث تجد فيه كل شىء مباح بين رواده ومرتديه وعلى الفضائيات تلاقى الكليبات الساخنة والمولعه اللى مليانة بالعرى والتعرى وبلقطات الجنس من كل صنف ولون ده خلاف كلمات كلها اسفاف وتخدش الحياء مالهاش معنى فى القول واستعراضات مالهاش اصل ولا فصل وعلى النت كل واحد يدخل يقول اللى هو عايزه ويدخل بيانات كلها كذب ونفاق
علشان يصاحب البنات والسيدات
وعلى الفضائيات ---------------
وعلى برامج التوك شو اللى دايما يسبقوا الاحداث والحديث والكلام عن مواضيع لا يجب التدخل فيها ولا الحديث عليها لانها بتكون ما زالت منظورة امام القضاء والنيابات
ايه اللى جرى وبيجرى فيكى يامصر يابلدى ,يابلد جدى وابويا وعمى ---وبلد امى وخالى وبلد اهلى وناسى وبلد الناس الطيبين المصريين اللى عايشين فيكى من الاف السنين من ايام قدماء المصريين اللى كنوا عايشين على ضفاف النيل ايه اللى جرى وبيجرى فيكى وفى نيلك وفى قراكى ونجوعك وكفورك وعزبك وفى مدنك الكبيرة وشوارعها الواسعة اللى كلها اصبحت ابراج وعمارات ومولات وايه اللى بيجرى فى انديتك وفى مصالحك الحكومية والغير حكومية وفى شركاتك ومؤسساتك وفى مصانعك وفى اذاعاتك وتليفزيوناتك وايه اللى بيجرى داخل احزابك
وايه اللى بيجرى فى كل مكان فيكى بين اهلك وناسك الى عايشين فى خيرك ومن خيرك الناس الطيبين المتسامحين اللى لا يعرفوا غدر ولا خيانة ولا غش ولا خداع ولا نصب ولاسرقة ولا نهيبة ولا يعرفوا قتل ولا تدمير
ليه النفوس اتغيرت ليه وليه الناس الطيبين اتحولوا الى ناس اشرار قتلة ونصابين وغداريين وبقت السرقة والنهيبة شىء عادى عندهم ليه الناس الخيانة بقت فى دمهم والغش والخداع بقى من طبعهم والنصب ده بقى شىء عادى عندهم وليه القتل والضرب والاصابات بقت حاجه سهله عندخم والكل بيبحث عن الثراء السريع والمكسب حتى ولو كان على حساب الغير والكل بقى غشاش وخداع بقى يغش ويخدع اهله وناسه وبلده ومواطنيه اللى عايش فى وسطيهم ومتربى بينهم والكل بيبحث ازاى ياخد القرش من جيب غيره ولو بالحرام وبالسرقة والنهيبة وليه النفوس الوضيعه بقت تخون حتى فى الوظيفة تسرق وتنهب وتزور وليه النفوس الوضيعة الزيلة عديمة الايمان تخطف البنات واليدات ويعرضهن للا غتصاب ليه يامصرى تغتصب الامنين وتروعهم وتفعل فيهم كل ماهو قبيح ومشين ماهى دى من بلدك ووطنك ومن اقاربك او اهلك وناسك ويمكن تكون ساكنة بجوارك او تكون من جيرانك اللى هما بجوارك
ليه يامصرى القتل والاعتداء على كل الناس حاجة بقت فى دم بعض الناس وليه القتل والاعتداء والاغتصاب بقى سهل عند بعض الناس ولا قرب الناس للناس الزوجة بقت تقتل زوجها وموش كفايه القتل والتقطيع والتمثيل بالجثة وتوزيعها
والابن بقى يقتل ابوه وامه واخوه وعشيرته التى تاويه كل ده علشان اسباب تافهة وحقيرة والزوج بقى يقتل زوجته علشان الخيانه اللى فى دمها وطبعها ونلاقى العاشق اللى بتفق مع عشيقته فى الحرام على قتل زوجها علشان يخليله الجو والمكان الزوج المخدوع من كام سنة وهم بيخونوه وفى الاخر يتفقوا عليه ويقتلوه وليه الصديق بقى يقتل الصديق علشان اتفه الاسباب
والخيانة عند الزوجة بقت منتشرة بين الزوجات وتدور على عشيق مرتاح علشان تعيش معاه بارتياح لان الزوج بقى دمه تقيل وبقى موش على المزاج ولاعلى البال .
ل لنا لقاء اخر مع باقى حكايتنا المصرية
