سمك ... لبن ... تمر هندي !!
هو مثل مصري شهير ... يعبر عن خلط الصالح بالطالح .. أو وجود أشياء مع
بعضها في مكان واحد رغم وجود تنافر شديد بينها ..
أو رغم عدم وجود أي علاقة وصلة تربط بينهم
..
أو ممكن نقول وجود حاجات متنافرة مع بعض و جنب بعض
رغم ان كل حاجة منهم ممكن يكون ليها أثر مضاد للأثر اللي بتعمله الحاجة
التانية ( يعني الاتنين مع بعض يساوي كارثة )
ومع ذلك ممكن نلاقي ناس حاطينهم جنب بعض 
!!
يعني مثلاً ... مثلاً تخيلوا معايا كدة
..
لو حد كل سمك ، وشرب
لبن و شرب تمر هندي هيحصل له إيه 
؟؟
مغص .. سوء هضم و تلبك معوي شديد طبعاً ..!! 
ده توضيح بسيط بس علشان الأخوات غير المصريات اللي مش عارفين المثل
الشعبي الشهير 
الحقيقة انا اقتبست عنوان الموضوع ده من كلمة قالها أحد الشيوخ الأفاضل
في درس من دروسه ..
الشيخ قال كدة بالضبط : سمك .. لبن .. تمر هندي
!!
لما كان بيتكلم عن بعض القنوات الفضائية التي تتحدث بإسم الإسلام (
باعتبارها قنوات إسلامية )
و التي يفترض انها تكون بتمثل الدين و الإسلام و الالتزام أمام كل من
يشاهدها ..
فالشيخ كان مستغرب إزاي ممكن تكون فيه قناة بتقول على نفسها انها قناة
اسلامية و تلاقيها مثلاً بتعرض مقاطع موسيقية بين البرامج
..
و أضيف أنا :
أو قناة بتجيب مذيعة جميلة فاتنة ( نامصة طبعاً ) و حاطة فول ميكب ( بس
طبعاً محجبة 
) تقعد
تحاور ضيف أو شيخ عن الاسلام !!
أو تجيب برنامج فيه شوية شباب و بنات حلوين قاعدين يدردشوا مع بعض عن
الإسلام 
!!
هو احنا عايزين إسلام ..؟؟
وللا المسألة أصبحت سمك .. لبن .. تمر هندي
!!
اللي معترض على الكلام ده يروح يكلم الشيخ ميكلمنيش أنا 
..
لأن مش هي دي النقطة اللي هنناقشها هنا إن شاء الله
..
لكن أنا فتحت الموضوع ده علشان نتكلم عن المثل نفسه
:
سمك ... لبن ... تمر هندي
يا ترى المثل ده موجود في حياتنا إحنا يا من ننعت أنفسنا بالملتزمين
؟؟
للأسف أيوة 
احنا بقينا ملتزمين صحيح .. بس التزامنا بقى التزام سمك لبن تمر هندي
!!
اللي يعجبنا نقول OK و نعمله ..
و اللي ميعجبناش نقول ده تشدد و تزمت و تطرف 
أو بالعكس ..
ممكن نكون أصلاً فاهمين المسألة غلط ..
ومن واقع فهمنا ده نكون متخيلين ان احنا أصلاً مش غلطانين
..
أو ان كل اللي بنعمله ده صح 100 في الـ 100 حتى لو كان من منظور
الإسلام غلط ..
ودي بقى تبقى كارثة أكبر 
...................................
تلاقي مثلاً التزام مع أغاني مفيش مشكلة ( ما هي أغاني اسلامية بقى
)
بس دي فيها موسيقى يا بنتي !! 
ايه يعني .. مش الكلمات كويسة و بترفع من همتي و تخليني طايرة فوق
السحاب و نفسي أعمل كل حاجة حلوة للدين .. ؟؟
بس الرسول ( عليه الصلاة و السلام ) قال ان المعازف
حرااااااااااااااام
معلش بقى دي فيها خلاف .. وشيوخ كثير قالو حلال مليون في المية
يا بنتي ده حديث صحيح لا خلاف عليه ..
كفاية بقى تشدد و تعنت و رجعية !! 
......................................
أو تلاقي حجاب شامل كل ألوان الطيف السبعة
يعني مش بس زينة ... لا ، ده بيقول ياللي مبتشوفش تعالى بص عليا
إيه ده
؟؟
هو الحجاب المفروض يحجب أعين الناس عني وللا يكون حلو كدة و ملعلع و يبهر
أي حد يبص عليه
؟؟
و
الغريب بقى تكون صاحبته من اللي بيتكلموا بإسم الدين !!
سمك ... لبن ... تمر هندي
................................
أو تلاقي شلة بنات و أولاد - ملتزمين !! - في الجامعة
..
طبعاً الولاد مبيكلموش أي بنت كدة في الكلية
!!
البنات الملتزمين و بس ..
والأخت برضه .. مش ممكن تدي نمرتها لأي شاب كدة في الكلية .. تديها للإخوة اللي بتثق في التزامهم و بس
..
أومال إيه .. هي سايبة
؟؟
.................................
تلاقي الملتزم طبعاً قاعد يتفرج على برامج و قنوات إسلامية طول اليوم
.. 
لكن مفيش مانع يعني من فيلم صغنن أو مسلسل طريف كدة على الماشي 
مهو برضه ساعة و ساعة 
!!
........................................
ما سبق ، و مظاهر أخرى كثير بنشوفها أو حتى بنمارسها احنا بنفسنا
..
والتي إن دلت فإنها تدل اننا مش واخدين المسألة على أنها مسألة التزام
بتعاليم الدين القيم النقي الذي أنزل على محمد صلى الله عليه وسلم
..
وإنما واخدينها مسألة سمك .. لبن .. تمر هندي
تفتكروا ما سبب هذا الخلل ؟؟ و هذا التناقض الغريب في شخصياتنا
كملتزمين؟؟
هل هو سوء فهم ؟؟
أم قلة علم ؟؟
وللا إيه ؟؟
وهل تتفقون معي في أن حياة كثير من المسلمين
