ليه كله بيفتي؟

عضو ماسى 17/5/2009 : 13/03/2010 العمر : 44

ازيكم يا ولاد البلد .. اخباركم رجعتلكم من تانى بحكاية
جديدة من بلد المفتيين .. الطيبين ..

النهاردة الصبح وانا ماشى بعريبتى فى عز الحر والزحمة ساعة الذروة .. فجاه
لقيت الطريق وقف والعربيات ركبت على بعض .. ايه يا جماعة لجنة ولا حادثة
ولا ايه الحكاية ..

كل نزل من عربياته يرمى بصره كده بنحاول نفهم حاجة . واحد جاى من بعيددد
الشرطة قافلة الطريق يا رجالة .

ليه يا ساتر يارب محدش فاهم بردو فتحت شباك العربية وسألت الى فى العربية
الى جانبى :

- الشرطة قافلة الطريق ليه ؟

-- تلاقى يا سيدى بيت وقع كالعادة وقافلين على ما يظبطو .

--( أول فتوى )--

ربنا يستر .

استمر الزحف بسرعة البطيخة لما تدألج على البلاط ، واخيرا والحمد لله وصلت
لحاجز الشرطة .

عساكر أمن مركزى مرشقين واقفين قافلين الطرق الفرعية ومتخفيين ورا الدرع
البلاستيكى بتاعهم الى قد نفرين ده . بصيت من الشباك .

- هو البيت الى وقع فين يا دفعة ؟

-- خليك فى حالك يا بشمهندس

- شكرا .

مشيت خطوتين لقيت هوب هوب وعساكر تدحرج على الاسفلت وقعدو على ركبهم
وموجهين الرشاشات للعربيات

وخوز وسترة رصاص وحاجة اكشن اخر حاجة

.. اوبا حلاوته قرروا اخيرا يدور الضرب فى الناس عشان نتلم .. ومكسوف وانا
بقولهالكم دورت وشى وديلى فى سنانى وجرى على العربية .. منا مش فاهم حاجة

قعدت فى العربية امسك نفسى وبصيت من الشباك لنفس الراجل الى كان جنبى فى
الاول وسالته :

- فهمت حاجة

-- قالى يظهر حرامى فى العمارة دى وجاين يكبسو عليه .

- الله حرامى ايه انت مش لسه قايلى عمارة وقعت

-- يعم وانا بنجم منا زيي زيك اهو

الحكاية مش راكبة حرامى ايه هيجبوله كل ده .. ده اكيد ارهابى .. بس يامفتى
هو انت هتبقا زيهم ارهابى ايه هو الارهابى ده مازينجر مهو بنى ادم بردو
لوحده .

العربيات مشت شوية الشارع الى بعضه مقفول برده بعساكر وعساكر على الارض
موجهه رشاشات . الحكاية كده مطمنش فضلت ماشى لحد ما خرجت من الزحمه .
مقدرتش اسكت قلت لازم انزل افهم الحكاية ايه ركنت على جنب ونزلت شوارع
باكملها مقفلة واسعاف ومطافى والدنيا مقفولة .

مثبتين الناس على الارصفة بالرشاشات وحاجة رعب . وطبعا تخيلو معايا مدى
الذعر لان مفيش حد فاهم حاجة

قلت امشى اسال الناس واشوف كل واحد هيقول ايه

- حاجة هو فيه ايه ؟

-- والنبى يابنى منا عارفه بيقولو قنبلة فى المبنى ده واحتمال تفرقع

طب قنبلة هتفرقع موقفينا ليه .. عشان تفرقع فينا
ويخلصو ومتبقاش جت منهم

سالت واحد بيه كده ببدلة وشكله فاهم

- باشا هو فيه ايه ؟

-- بكل ثقة ( مسئول كبير بيعدى )

بيعدى منين انشاء الله فى خمس شوارع ملهومش دعوة ببعض هو راكب عجلة
وبيفضولو الحتة . ورشاشات ليه ومتمركزين وضع استعداد فى نص الشوارع ليه

وفضلت الف حولين نفسى اسأل ده وده والردود كلها ماشاء الله كل واحد له رأى
مستقل مش فالحين غير فى الفته اسمع يا سيدى

-- فيه وزير جاى

-- خلية ارهابية فى العمارة الى هناك دى

-- عربية متفجرات

-- خليه مستخبية فى فرن العيش ده

واخيرا راجل شكله مثقف

قالى ده عشان لو فكرت انت او غيرك تتكلم ده الى هيحصل فيك

هههههه اتكلم يعم وانا قلت حاجة احنا بس عايزين نعرف هما بيعملو ايه

وفى الاخر رجت للظابط :

-- لو سمحت يا باشا هو فيه ايه

-- غور من وشى احنا هنشتغل ولا هنرد عليك يا ابن ............ تيت ( طبعا
فاهمين )

فضلت واقف زى الاهبل مش فاهم اى حاجة وفى ثوانى .. هوب ركبو العربيات
والمدرعات والشارع فضى فى ثوانى والناس مشيت وكلنا مش فاهمين حاجة بعد
ساعتين فى عز الشمس والعطلة .

.. حد فاهم حاجة ..

منقول للفائدة

17/5/2009

تحياتى د منتص

بارك الله فيك

تقبل مرورى

عصااام

عضو ماسى 17/5/2009 : 13/03/2010 العمر : 44

17/5/2009