عصام اسكندر
مشرف منتديات ايام زمان العامه
 17/5/2009 : 06/04/2010
العمر : 54
 | موضوع: وللتسول في بلادي اصول  الأحد مايو 16 2010, 19:48 | |
| بمعني ان التسول في بلدنا المصون تسول ممنهج,مش حاجه كده عشوائيه,
لا ده ليه رؤي وخطط واستراجيات طويلة وقصيرة الامد.....وهتلاقي برده
فكر جديد وكوادر ودماء شابه تجري في شرايين هذا البناء....امال ايه
يعني انت مثلا هتلاقي المتسولين متمركزين في اماكن معينه,مثلا امام
المساجد....بيبقي المصلي لسه سخن وسامع خطبه عصماء والشحنه
الايمانيه عاليه عنده حبتين,يقوم يلاقي المتسول في وشه علي طول
"والنبي يابيه" ....يقوم صاحبنا دابب ايده في جيبه وسالت "ربع جنيه"
من بين العشرينات والخمسينات وعطيها للمتسول ويقول في نفسه"
اللهم اجعلني من الذين يسمعون القول فيتبعون احسنه"...ويعلي صوته
ويقول ربنا يدينا واحنا نوسع علي الغلابه.... المتسول بدوره يطل للربع جنيه بأرف
ويكز علي سنانه ويقول في سره"ربنا يحرمك ما يطعمك"
وبعدين فئة المتسولين فئه مسالمه للغايه فرغم انهم الاكثر حاجه وعوزا
مسمعناش عن اضراب متسولي المحله,او اعتصام متسولي المنيا ....
لا بصراحه عندهم حس وطني عالي جدا ومقدرين المرحله الحرجه
اللي البلد بتمر بيها....احنا في مرحلة مخاض يا جماعه
وبعدين هما ممكن يعملوا رابطه جامده جدا تكون نواه لنقابه عامه
وتخيل بقي العنوان ده"النقابه العامه لمتسولي مصر" ...اجتماع تأسيسي
تحت شعار حسنه قليله تمنع بلاوي كتيره ,ودي تبقي سابقه ايه محصلتش
واهو نسبق في حاجه....وعماااار يا مصر | |
|
العاشق
عضو ماسى
 17/5/2009 : 13/03/2010
العمر : 44
| | موضوع: رد: وللتسول في بلادي اصول الثلاثاء مايو 18 2010, 13:18 | |
| | |
|
عصام اسكندر
مشرف منتديات ايام زمان العامه
17/5/2009 : 06/04/2010
العمر : 54
| | موضوع: رد: وللتسول في بلادي اصول الثلاثاء مايو 18 2010, 20:00 | |
| تحياتى اخى د/ محمد
على مرورك
عصااام | |
|
