هوا مصر الى وحشه ولا حكومتها ولا احنا ولا ...........؟؟؟؟

كل واحد بقعد معاه على قهوه الحياه بسمع منه قصص كتيره بس اهم قصه ....مصر .....

موضوعنا مش فى السياسه عشان متجريش وتخاف ولا عن اسرار دوله موضوعنا عن الى بيحصل فى البلد مننا احنا الشعب


بستغرب لما الاقى كل يوم واحد يجى ويسئلنى تعرفش شغلانه اشتغلها ؟؟

مش لاقى شغل خالص فى البلد دى دى بلد ................ وهكذا اكتر من شخص كل سساعه وكل يوم بس تعرفوا ايه الى بستغربله اكتر ان اعلانات المحلات والشركات والمصانع الى محتاجه ناس تشتغل اكتر من عدد الناس الى بتسئلنى عن شغل بجد .......... ياترى العيب في الناس ولا الحكومه ولا الشباب

بستغرب لما الاقى واحد صاحبى يجى ويقولى ان المرتب بتاعه قليل اوى ومش بيكفى معاه لحد اول اسبوع فى الشهر وبيكمل باقى الشهر على النوته

بس بستغرب اكتر لما الاقى صاحبى ده على اول الصبح قاعد بيعمل اصتباحه على القهوه وعازم اصحابه وبيوجب معاهم وبيدفع 10 جنيه بعد ما يقوم ويروح يجيب علبه سجاير ب 5 جنيه ويجى مع العصريه يروح اى مطعم ياكل فيه ب 5 جنيه ولا 10 جنيه وبدل ما يتمشى شويه ولا يركب مايكروباص لا ياخد تاكسى عشان يبان قدام الناس انه ولد باشا ................ياترى العيب فى الناس ولا المرتبات ولا الحكومه ولا الست ام احمد الى كل يوم تعزم هيا وجوزها ناس واتاكلهم ويشتكوا بعد كدا بالفقر

فيه حاجات كتيرا فينا غلط ولو قعد سنه اكتب عنها مش هتخلص حاجات الشعب كله بيعملها ومشترك فيها

زى جماعه صحابى كل يوم الاقى الواحد منهم شغال وبيقبض 30 جنيه فى اليوم ويقولى مش لاقى حتى يجيب سجايره بستغرب قوى وبقول فى بالى للدرجادى هوا مسئول عن بيته لكن اتفاجئ بانه بيشحن موبايله بال30جنيه كلها ويفضل يحب فى التليفون بيهم كلهم ويقعد ياخد من والده او والدته فلوس عشان يصرف مع احترامى لكل النماذج دى دى ناس فاشله متستحقش انها تعيش

مع احترامى للجميع بكل حب وتقدير

شكرا لكل من اهتم بالموضوع وقراه كويس وادى رد ولو بصوره بس ليا رجاء انا الى بكتبه هنا بعمل بيه مش مجرد كلمات وخلاص

يعنى الى بصرخ بيه هنا بقولوا لصحابى يارييت تكون البدايه اننا نعمل الى بنقول بيه

شكرا مره تانيه للكل

مواطن بسيط جدا

البلد ماشيه ورا سراب وشباب مش فالح غير فى شرب الهباب وافقر ما فيها بياكل كباب منظره مش غنا

بلد اسهل ما فيها كشف المستور واتحكم عليها تمشى بالكرباج وسموه دستور يا ناس ارحموا نفسكم دالدنيا مش هتدوم وعجبى عليك يا زمن من الناس الى فيك عجبى