انت...... بتاخد فيزا ؟؟

17/5/2009

المخرج المصري واعي وقدير لأنه مبيفكرش في اعمال تقع علي فاشوش زي تايتانيك والهلس ده انما كان كل همه انه يعمل اعمال مبتتفهمش زي يوسف شاهين عشان يبقي عبقري او اعمال مفهومة بغباء زي اللي عمل فيلم "شيكامارا"..مافيش حياد..لأما تمشي في سكة يوسف شاهين يا تمشي في سكة شيكامارا وا...لمشاهد واقع في النص وانا من مكاني هذا علي الكرسي في اوضتي الضيقة الخنيقة وبشرب بريل عشان أسترجل بقول للمخرجين اعملوا ما بدالكم بعد ما شوفت أخر أفلام طارق علام بقولهم "قفايا اهو" ..انا بقولكم اعملوا ما بدالكم يا جماعة أنا هفق..ومش عارف هفق بتتكتب كده صح ولا لأ.. طارق علام لو مثل في هوليود هيبقي رواية الجرايد الأمريكية والأوروبية كمان..لأنه فلتة وتقدر تخمن ملامح وشي دلوقتي وانا بقول الكلام ده ..هتعرف اني كداب المهم انا بقول للسادة المخرجين ياريت بس يبعدوا عن شوية أخطاء بتحصلش في هوليود: أولا..ياريت اما واحد يرمي كرسي في الكلوب في فرح شعبي "وده مشهد حمضان في كل الأفلام "محدش يضرب اللي جنبه بدون سبب يعني مش فاهم انا قاعد في فرح فواحد رمي كرسي علي ترابيزة بعيدة عني مثلا اقوم أنا ضارب اللي جنبي وكل الترابيزات تضرب بعض؟؟؟؟ ثانيا..في الأفلام التعبانة اللي العربية بتبوظ فيها الفرامل ياريت يعني بعد اذن السادة المخرجين يوضحوا ان العربية اكيد هتقف بعد شوية مش هادنها ماشية والراجل اللي سايق بيتشنج ومش عارف يتصرف.ليه يعني الأسفلت بيزحلق مثلا ولا ده في اطار السياق برضه؟ ثالثا..مش لازم كل ما تحط قنبلة في عربية اللي جوة يسمع زمارة قبلهابكل سذاجة عشان يخرج في اخر لحظة .. رابعا..مش لازم في كل أفلام عادل امام يضرب واحد علي قفاه او علي وشه والراجل ساكت لأن دي أوفر شوية ولو حد حاول يطبقها هيطلع تيت أهله.. خامسا..مش لازم تربط كل الأفلام الكوميدية الهلس بقصة بتزيد من هلسها ..يعني متقوليش اللمبي كان عنده هدف..وبوحة كان عبقري..وعوكلو بيصلح اي عربية لوحده بدون مساعدين وعايزني اصدقك..معني كده ان كل المصريين مافيش منهم اتنين.. سادسا..عدم الاستعانة بكل من يرد أسمائهم في أفلام مرة تانية... طارق علام/سعد الصغير/علاء مرسي/محمد نجاتي/محمود عبد المغني/ادوارد/طلعت زين وغيرهم بس دول علي رأس القايمة.. وبعدين الهند خدت أوسكار لوقتي وعندها رصيد احنا امتي هناخد أوسكار..ولا هو هييجي عندنا برضه وف تاكسي؟؟؟ بقالنا كام سنة في صناعة السينما مش عارفين نعمل فيلم يعجب هوليود؟؟ المشكلة الوحيدة اننا بنعمل فيلم كويس بس بخامة رديئة..نفس الفرق بين "قلبظ" و "لايز" الأمريكي..هي كلها مأكولات اه بس أكيد هتحس بالفرق.. قلبظ حلو فعلا لكن في حاجة غلط متفهمش هو ليه الكراتيه المصري عندنا زي قلبظ والحاجات دي وهريدي وكده كل ما تفتح كيس عايز تضرب التاني وأحيانا بتلحس صوابعك هما بيحطو فيه ايه؟؟ هو ده الفيلم المصري ..عشان تحس بالاشباع لازم تضرب حداشر فيلم كده ع السريع أو ع السخان زي ماالبسة بيقول.. واحد من اللي ميعرفوش البسة دلوقتي هيقولي البسة مين؟هقوله يا عم انت مالك..انا بكلم نفسي .. انما الفيلم الأمريكي الواحد يشبعك يوم كامل دراميا وقصة وكل حاجة.. وهو ده الفرق بين التعليم المصري والأمريكي برضه علي فكرة يعني انا بحاول ادرس نظام امريكي مثلا عرفت دلوقتي اني زي ما بيقولوا كلمة "حيزابون" أو ".....لانشون" برضه زي ما سمعتها من البسة..اكيد انت عارف يا بسة انا قصدي ايه..هههههه يعني لو كنت يا سيادة وزير التعليم من الأول مكنتش قعدتني جنب حيرم كان ممكن انجح في النظام الأمريكي ده..انما انا قعدت جنب حيرم وشميته كمان.. وارجوكم محدش يسألني عن الموضوع ده لأنه بيجبلي احباط.. ومكنتش يا سيادة الوزير أكلتني من التغذية بتاعتك وبالذات المربي القذرة اللي بيتجيبها اللي شركة فيتراك بريئة منها .. ولو كان عندك فكر يا سيادة الوزير مكنتش ادتني جولوجيا في الثانوي وانا داخل تجارة انجليزي..استفدت ايه بدراسة علم طبقات الأرض؟ ومكنتش خلتني احفظ القصة في الانجليزي يا سيادة الوزير علي فكرة مافيش حد بيحفظ قصة خد في بالك يعني.. وبعدين اتخرج وعايزني اخد زمالة ..علي رأي عادل امام في الحالة دي"الدين بيقول ايه؟؟" واحد بقي فلحوس هيقولي بس انت شربت من نيلها..هقوله زي ما قال احمد مكي "بتاخد فيزا؟؟" هو نفس الفرق واللهي حاسس اني اتعلمت تحت ايد السبكي ودلوقتي هأمثل مع كاميرون دياز.طيب ده ينفع..؟ وبعدين هو انا لو كبرت بقي واغتنيت وكده وبقيت زي الدالي هشاور علي صورتي مع حيرم وهأقول "انا ابتديت كده؟؟" واللهي بداية صعبة جدا اصعب من الدالي كمان هو عمره مقعد مع حيرم حتي.. وبعدين هو مخدش في الثانوية العامة مادة كهربا انا خدتها وكان سؤالي المروحة مبتشتغلش ليه..قولتله الفيشة متشالة قالي صح.. جالي بعدها مرض السخام بعيد عنك..ولساني دلدلت من لاغاليغها لو كنت كاتب الكلمة صح.. كانوا بيخيرونا دايما تاخد كهربا ولا زراعة البنات اقتصاد منزلي عشان كده زي ما انت شايف بناتنا في الطبخ ما شاء الله حاجة...ولا بلاش اخر كلام انا مرة كنت بكلم واحد امريكي علي نامنا المصري في التعليم وحكيتله علي حيرم كمان وعلي مادة الكهربا.. قالي تلات حروف كده لسه فاهمهم قريب قالي wtf المهم فهمتها دلوقتي والحمد لله واللهي عنده حق الراجل

عضو جديد 17/5/2009 : 07/05/2010 العمر : 58

لأنى مصمم ما مخدش فيزا فحرد عليك فى حكاية السيما دى أولا لأنها أكل عيشى و أنت حر بقى إذا كنت بتبق أى بق وخلاص ولا فعلا الحكايه هماك بجد ، أنا حصدقك وحقولك أولا مينفعش نقارن بين أحسن فيلم عند ولاد الخوجات و أوحش فيلم عندنا لأنك فى الأخر حتطلع بنتيجة الفيزا، فى عندنا سيما كويسه و أفلام حلوه فى السيما الجديده و فى السيما القديمه ولو عايز لسته أفلام أقولك من أول فيلم شروق وغروب و فى بيتنا رجل و الأرض و وا إسلاماه اللى أنا شايف إنه أحلى من تيتانك ، وملك وكتابه وبجب السيما ورسائل البحر و أرض الخوف وممكن أملالك الدنيا أسامى بس المشكله إحنا بنبص على الدنيا من أنهى خرم ، خرم المهزوم ولا خرم المنتصر ، صناعة السينما زى أى سلعه فى الدنيا اللى بيحدد مين اللى حيستمر أو الأشهر هو اللى بيشترى التذكره ، لأنه لما بيقف جنب المزه بتاعته ويمد إيده للست اللى فى شباك التذاكر ويقول تذكرتين لفيلم بحب السيما تقوله المزه ده فيلم وحش هات فيلم حاحا و على فكره اللى بقوله ده حصل قدام عينى ، يقوم المنتج اللى قاعد يشوف مع كل حفله أنهى نوع فيلم حينتج زيه المره الجايه يفهم السوق رايح فين لأن كل اللى يهم المنتج زى صاحب أى سلعه إنه يكسب وأنت لما بتشترى التذكره أنت اللى بتحدد إتجاه السيما بكره إيه.
خلينا نتكلم شويه على يوسف شاهين الراجل ده إبتدى زى أى مخرج أخرج أفلام زى اللى موجوده حوليه عمل بابا أمين وصراع فى الوادى و ماشى فل الفل زى إخواته وبعدين جه عمنا عز الدين ذو الفقار عرضت عليه أسيا فيلم صلاح الدين وهو فيلم كبير وعمل عظيم وكفايه أنى أقولك أن واحد من أعظم من كتب فى السينما وهو عبد الرحمن الشرقاوى شارك فيه ، المهم صاحبك خد الفيلم وعمله وخسر الست أسيا الجلد والسقط وعمل شوية حاجات فى الفيلم هابله جدا زى مشهد المحاكمه لما قسم الشاشه نصين ولا حركة لما السيف بيلف والدم بيطرطش و الناس سابت الحاجات الجميله اللى فى الفيلم ومسكت فى الخيابات بتاعته و يوسف صدق نفسه خصوصا إنه بيتأتأ فى الكلام والشويتين بتوعه دول ونعدى فيلم الأرض لأنه من نفس المرحله ودخل عمنا يوسف عمل شوية أفلام زباله هجص فيها على الأخر زى عودة الأبن الضال والعصفور والأفلام اللى عملت إسم يوسف عند الناس بإعتباره عبقرى وهو راجل غلبان خالص بس مصدق اللى الناس بتقولهوله و إبتدا يفتح فى العك بتاعه ده وكل ما يعك زياده الناس تقول عليه عبقرى زياده ويعتبرو إنهم مش فاهمين الفيلم لأنه عبقرى مع أن الحقيقه البسيطه خالص أن يوسف بيهجص تخيل إنت أن جو ولأنه ثقافته فرنساوى و كان صاحب وزير الثقافه الفرنسى لأسباب خاصه جدا لما حبو يدوله جايزه فى مهرجان كان عن فيلم ملقوش فيلم ينفع فإدوله عن مجمل أعماله .
خلينا نتكلم عن حكاية المخرج اللى أنت بتتكلم عليها دى .زمان كانت السيما سينما المخرج يعنى هو اللى بيعمل المشروع من أوله لأخره بيدور على سيناريو و يوديه لمنتج ويرشح الممثل اللى حيعمل الدور الحكايه دى بقى خلصت من الدنيا إحنا دلوقت فى زمن الممثل يعنى الممثل هو اللى بيعمل الحكايه دى لأن الممثل هو اللى الناس بتروحله والمخرج بقى زيه زى عامل الإضاءه بيجى لما الحكايه تبقى مشروع بجد والكلام ده فى العالم كله مش فى مصر بس أحسن نرجع تانى ونبص من خرم المهزوم.
معلش وجعت دماغك يا خويا وده علشان أقولك على وجهة نظرى أصلى مصمم ما أخدش فيزاا.

17/5/2009

تقديرى لك ساهر انك ممتاز ومواضيعك تختارها بعنايه اتمنى لك مزيد من التقدم وتتحفنا بمزيد من مشاركاتك الرائعه

ايام زمان

17/5/2009

يا ساهر انت ناوى على ايه بالظبك

مواضيك جميلة والأقلام حبرها سال على الورق ونطق اهو

أسعدتنا والله

17/5/2009

الاخ سان طبعا انا الاول مع احترامى لحضرتك واكل عيشك
طبعا انا مش قصدك من الموضوع لانى اول مره اتشرف بحضرتك وده يسعدنى
اولا انا مش ببق وخلاص سيدى المحترم وطبعا عارف اننا عندنا افلام حلوه زى مانت ذكرت بس للاسف مش بشغل مصرى وكاست مستورد بيججو يعملولنا الفيلم ويسافرو ومش دى القضيه لانه مش عيب
بس العيب مانتعلمش ولانى مش ببق ولا جاى اقول بوقين وخلاص كما اعتقد السيد الفاضل لا خالص احب زى مانت عرفت نفسك واتشرفت بيك وسعيد بمعرفه شخص رائع وفى مجال مختلف اعرفك بنفسى
انا ساهر السعيد مراسل صحفى فى بى بى سى نيوز القسم العربى وقريبا ان شاؤ الله جريده صوت الامه المصريه ورغم انها معارضه ولو شوفت مواضيعى هتلاقيها كلها تسخر من النظام وما شابه من ذلك ولاكن فى نطاق صحيح واعلم سيادتكم ايضا اننى عضو نشط فى الحزب الوطنى الديمقراطى فى امانه السياسات العامه وطبعا البعض هايستغرب ولاكن سيدى الفاضل انا مصرى ومايعجبنيش الحال المايل اولا حتى لو كان المكان اللى بنتمى ليه فى حاجه غلط لازم اقول ولا اعتمد على لا ارى لا اسمع لا اتكلم وطبعا ان كان رأى لا يعجب البعض فذلك مجرد نقد ولى وجه نظر ولك وجه نظر وحتى لو انا نقدى صحيح اعلم انه لم ولن يرضى قبول لديكم وانا تحدثت من وجه نظرى وان كنت ترى ان ماذكرت من افلام افضل من تيتانيك فذلك وجه نظرك واحترمها ولا اقول مثلا كما تكرمت انت وقلت اننى ابق وخلاص لا ولاكن سارد واقول لك هذا رايك واحترمه واكن له كا تقدير وكان ممكن ان اقول من يشهد للعروسه مثلا او ...... فى عين امه غزال من باب انه عملك ولاكن على احترام وجه النظر
وشكرا لمرورك الكريم

17/5/2009

طب والله كويس انى خليت المنتدى نفسه رد على ههههههههههههههههههههههههه
اياام زمان منوره الدنيا وشكرا لردكم الجميل

انت...... بتاخد فيزا ؟؟ Candle__by_Aquarielle

انت...... بتاخد فيزا ؟؟ Candle__by_Aquarielle

17/5/2009

هههههههههههههههههههههههههههه موجه طبعا انا بنبسط اما اشوف ردك عندك والله

منوررانى بمرورك

انت...... بتاخد فيزا ؟؟ Red_Rose_by_krene13

17/5/2009

تحياتى اخى ساهر

تقبل مرورى

عصاااام

عضو جديد 17/5/2009 : 07/05/2010 العمر : 58

شكرا أخ ساهر ، لم أقرأ تعقيبك سوى اليوم لإنشغالى بالعمل ، لقد أفلحت فى تحويل صباحى الجميل اليوم الى صباح حزين .لا منك لكن من قدرتنا جميعا على الإختلاف . فالخلط بين الشخصى والعام تراجديا و أنا بطبعى لا أحب التراجديا ، خاصة لو كانت محشوة بالقرود والتى تكرمت ولم تقلها . أكرر شكرى و أعدك بعدم التفاعل مع أى موضوع لك مرة أخرى .

17/5/2009

ســـــــــــــان

صباااااااااح الفل

فيه ايه بس فين خفة دم خالتى عساكر

وبعدين ساهر بيتناقش معاك او بمعنى اخر بيرد عليك

وانت ابتديت بالرد يعنى لا داعى نزعل ابدا

ايحنا مش نقدر على زعلك

وبصراحة بقى انا فرحانة فيك 3 سننين موتنا بخالتى عساكر جه اليوم بقى تقوووووول

_(أستند باى )

ههههههههههه
مش بيقولوا كده برضه

صباح الفل يااخى الغالى

17/5/2009

لأنى مصمم ما مخدش فيزا فحرد عليك فى حكاية السيما دى أولا لأنها أكل عيشى و أنت حر بقى إذا كنت بتبق أى بق وخلاص
طبعا مع احترامى لعدم تفاعلك ولك ما شئت ووجه نظر تحترم
فتلك كان ردكم الكريمك على كلامى ولم اعترض لانه رايك الشخصى ووجه نظرك مئه بالمئه وكل شخص يعبر باسلوبه الخاص دون تجريح الاخر
ويمكنمتابعه الباقى بالاعلى لمن يريد
وانا كان ردى والذى من وجه نظركم الغراء اننى اهين شخصك وحاشه لله سيدى الكريم
الاخ سان طبعا انا الاول مع احترامى لحضرتك واكل عيشك
طبعا انا مش قصدك من الموضوع لانى اول مره اتشرف بحضرتك وده يسعدنى
اولا
انا مش ببق وخلاص سيدى المحترم وطبعا عارف اننا عندنا افلام حلوه زى مانت
ذكرت بس للاسف مش بشغل مصرى وكاست مستورد بيججو يعملولنا الفيلم ويسافرو
ومش دى القضيه لانه مش عيب
بس العيب مانتعلمش ولانى مش ببق ولا جاى
اقول بوقين وخلاص كما اعتقد السيد الفاضل لا خالص احب زى مانت عرفت نفسك
واتشرفت بيك وسعيد بمعرفه شخص رائع وفى مجال مختلف اعرفك بنفسى
والى اخره ونرى الجمله التى اسئت فهمها
وانا تحدثت من وجه
نظرى وان كنت ترى ان ماذكرت من افلام افضل من تيتانيك فذلك وجه نظرك
واحترمها ولا اقول مثلا كما تكرمت انت وقلت اننى ابق وخلاص لا ولاكن سارد
واقول لك هذا رايك واحترمه واكن له كا تقدير وكان ممكن ان اقول من يشهد
للعروسه مثلا او ...... فى عين امه غزال من باب انه عملك ولاكن على احترام
وجه النظر
وشكرا لمرورك الكريم

فلقد رديت على حضرتك بما كان من الممكن ان اقوله لو ارى من وجه نظر واحده مثلما تكرمت حضرتك ونظرت من وجه نظر اننى ابق وخلاص وانت تقاتل من اجل عملك
وهذا من المفروض لا يفسد للود قضيه لانه مجرد اختلاف ليس اكثر مع توضيح تقاتل هنا ليس قتال بالمعنى المعروف او حرب ليس ما قصدته ولاكن قتال من اجل اثبات عكس ما اقول وكما قلت سابق من حقك
واذا بكم تاخذ الكلام بمعنى ومفهوم اخر كما وردت فى ردكم الكريم
لقد أفلحت فى تحويل صباحى الجميل اليوم الى
صباح حزين .لا منك لكن من قدرتنا جميعا على الإختلاف . فالخلط بين الشخصى
والعام تراجديا و أنا بطبعى لا أحب التراجديا ، خاصة لو كانت محشوة
بالقرود والتى تكرمت ولم تقلها . أكرر شكرى و أعدك بعدم التفاعل مع أى
موضوع لك مرة أخرى .

هذا ردكم واكرر اسفى عن تحويل صباحك الجميل ولاننى لست من صناع السينما ولا استطيع تحديدها كما تكرمت انها تراجيديا وانت لا تفضلها
فساحاول بعد االان ان اقوم بكتابه مدح فى السينما واننا يجب ان نفوز بالاوسكار ولاكن الامريكان حاقدون علينا

ولنا الله

انت...... بتاخد فيزا ؟؟ Oscars08big