بمناسبة عيد الام .....هل يوجد فرق بين الام زمان والام الان تعالوا نشوف ونحكم

17/5/2009

الأم زمان

١٩/ ٣/ ٢٠١٠

بمناسبة عيد الام .....هل يوجد فرق بين الام زمان والام الان تعالوا نشوف ونحكم Photo

(١)
لم يكن لها طلبات كثيرة ودعواها الوحيدة «ستر ربنا».
(٢)
كانت ست بيت أو موظفة من غير شحططة المواصلات وزنقة الأتوبيسات فكانت بترجع مستريحة نفسياً ومافيش قلق إنها ترجع توضب الغدا.
(٣)
كان سلاحها أنها تقول «بابا قال لأ»، أو «ح قول لبابا».
(٤)
كانت قدوتها أمينة رزق وفردوس عبدالحميد.
(٥)
لازم تراجع واجب المدرسة مع أولادها.
(٦)
كانت وظيفتها الأساسية هى الطبخ.
(٧)
كانت ملمة بأدق تفاصيل أولادها.
(٨)
كانت تقول أى حاجة للأولاد يقولوا «حاضر.. نعم».
(٩)
أمهات زمان ممكن يسلونا بأقل الوسائل الممكنة «التليفزيون»، ولو متحررة ممكن تمشية على كورنيش النيل.
(١٠)
كل واحد فى البيت كان بيراعى أكل عيشه مهما كان عمله. وكانت الشغالة رفاهية وإن وجدت تعرف عملها.
(١١)
كانت حاسة بالأمان لأن الزوج بيحمل معها المسؤولية.

أم اليومين دول

١٩/ ٣/ ٢٠١٠

(١)
لها طلبات كثيرة بالتوازى مع المغريات الكثيرة وأولها الموبايل الذى أصبح من أساسيات الحياة.
(٢)
بتبقى نفسها تنزل تاخدها جرى لما بتلاقى الشوارع واقفة فى الزحمة وهى لسه «ماقمعتش» البامية.
(٣)
مفيش فى إيدها حاجة غير إنها تعمل مش واخدة بالها أو تقول «اعملوا اللى انتوا عاوزينه، مفيش فيكم فايدة».
(٤)
دلوقتى نفسها تكون نانسى عجرم أو هيفاء وهبى.
(٥)
المدرس الخصوصى بيقوم باللازم.
(٦)
«الديليفرى»..خدمة توصيل الطلبات للمنازل بقت تريحها.
(٧)
دلوقتى يا دوب بتشوفهم مرة أو مرتين فى اليوم.
(٨)
النهاردة قبل ما تتكلم لازم تفكر فى الكلام حتى تتحاشى «الأروبة» و«البجاحة» التى يتمتع بها أولاد اليومين دول.
(٩)
دلوقتى الإغراءات كتيرة وفيها المفيد والمضر للمذاكرة وللشخصية وللجيب.. وكيف تتعامل مع زن عيالها والمقارنات الدائمة مع اللى عند أصحابهم.
(١٠)
أم اليومين دول بتعانى من الشغالة اللى مطلعة عينها.. والسواق اللى مواعيده مضروبة.. والبواب اللى عامل بيه.
(١١)
مع جرى الزوج لأكل العيش أصبحت وحيدة ولا يعينها غير ربنا.

17/5/2009

17/5/2009