[مصر التى بخاطرى (2-عن المدينة )
1--فى المدينة
------------------
وما ادراك من المدينة واللى بيحصل ويجرى--فى كل مكان فيها -فى-شوارعها ووسط زحامها والعمارات العالية اللى بيسموها الان ابراج تاه سؤالى واحتار --فين الناس بتوع زمان
اللى كانوا متواجدين واللى بينا كانوا عايشين---واللى لما كانوا بيسمعوا صرخة او انين --او نجدة واستغاثة من جار ولا عابر سبيل--ولا حتى يلاقى مريض--ولا مصاب يشيله وياخده على -طول على الاسعاف--او اى مستشفى ميرى او خاص
--ولمايلاقى اختى او اختك او بنتى او بنتك او زوجتى او زوجتك --وتستنجد بيهم على طول تلاقيهم--وتلاقى عم عبده البواب ا للى كان متواجد امام الباب وكان دايما يسال ويستفسر ويتحرى عن اللى رايح وجاى او طالع ونازل وكان فيه امان من عم عبده البواب--
وكان يقضى الطلبات لما اى فرد يقولوا هات
--وجارك او جارتك اللى دايما سأ لين عنك فى كل وقت وحين--والجيران اللى فى الشارع والحى كمان اللى فى اى مناسبة تلاقيهم يجوك ويهنوك--واللى لما تحصلك اى حاجة يجروا وراك ويساندوك
وكنت الاقى شوارعنا نظيفة واشجارها كثيرة --وكان شبابنا ورجالنا من الحى او المدينة يراعو ويحافظوا على فتياتنا واهالينا --من صغيرهم لكبيرهم -ولما يلاقى اى واحدة منهم يوصلها لحد بيتها وكنت تلاقى الدنيا بخير وكل الشوارع والحارات مليانه بالامان
وده كان زمان
2-- وفى المدينة الان
------------------------
والان فى المدينة واللى بيحصل فيها --وفى شوارعها وبين اهاليها -تلاقى الشباب على الشوارع واقفين ومترصصين ويعاكسوا الجايين والرايحين--دى شلة --والشلة-التانية بالمخدرات والبانجو واقفين يتعاطوا او بايعين--وراحت وضاعت من شبابنا ورجالنا النخوة والشهامة والجدعنة اللى كانت موجودة زمان --واللى يستنجد بيهم الان تلاقيهم يقولوا واحنا مالنا خلينا فى حالنا--والفاظ -تطلع على طول وتلاقى اللى يقولك ياعم نفض واللى يقولك ياعم كبر-واللى يقولك ياعم دماغك
وعم عبده البواب بقى اسمه ماهر وامام التليفزيون ساهر ومالوش دعوه باى انسان -ولما تطلب منه حاجة يقولك بكام ماهى الماده طغت على كل التعاملات وبقت هى لغة الكلام فى ذلك العصر والاوان
والبواب اللى كان حارس وامين بقى هو اللى تطلع منه العيبة والسرقة والنهيبة -وتلاقي ايده تتمد على اللى بيعطف ويحن اليه--واللى بنشوفه دلوقتى فى العمارة الواحدة او البرج -تلاقى السكان اللى فيها -اوالملاك اللى اطلقوا عليهم قال ايه اتحادملاك مايعرفش اللى ساكن فى الشقة ده مين وايه اللى بيحصل معاه اذا كان تعرض او تعرضت لقتل او اغتصاب او سرقة ونهب كمان وتلاقى كل واحد فيهم لو اتقبلوا فى فى اى مكان--كانهم غرباء
-واللى بنشوفه دلوقتى فى المدينة من قتل واغتصاب وسرقة ونهب كمان -فى كل حى وشارع -
والمولات الحديثة اللى فيها العجب واللى بيحصل فيها من اختلاط بين الشباب والبنات-
3--والموضة الجديدة
-------------------------
وفى الشوارع جابوا التوك توك -وده ليه علشان يدخل جوه شوارعنا وحوارينا فى مدنا
وقرانا--بس المصيبة الكبيرة شوية الصبية اللى مشغلينة لاعندهم رخصة ولا بطاقة ولاخبرة ولا دراية والكل مستهتر بينا لماتركبه تلاقى قلة الادب والشتيمة والمسخرةوقلة الحيلة -والسماعات الكبيرة اللى بصوتها بتاذينا سالت عن كييف تسييره قالولى بدون رخصة ولا تسعيرة قلت هى شوارعنا ناقصة موش كفاية علينا بتوع الميكروباس واللى بيعملوه فينا وفى اهالينا واللى طلعوا فيه جديد تقطيع المسافة الى اجزاء علشان ياخدوا بدل الا جرة اتنين وتلاته-وفى شوارعنا المزدحمة والمليئة بكل الانواع من الباصات والميكروباسات والاتوبيس والاجرة والملاكى والتوك توك -وبقى الشارع كوكتيل من كل صنف ولون--ولما طلع قانون المرورقلنا ده هايرحمنا من كل دول اتاريه صدر للتحصيل --والاقي السيارات المخالفة هى اللى المفروض تكون قدوة --واسال دى ايه يقولوا دى تبع البيه --
وتدور فى شوارع المدينة على رصيف تمشى عليه -تلاقيه بالبائعين مليان وبالبضاعه مكد سينه ومليينه
تضطر تنزل فى مجرى الشارع وعندها تتعرض للحوادث --وحاجة من اتنين يا تنتقل الى رحمة الله --يا تروح للمستشفى الميرى وتشوف فيها العجب العجاب -
-والى اللقاء فى المقال القادم-فى المستشفيات
------(مصرى اصيل)
