ارجع ياريس ابوس ايدك ارجع احنا اتلطمنا من غيرك

ندااااء

ارجع ياريس

والله احنا بصراحة خسرنا كتير وحشتنا جدا ياريس ياترى عامل ايه دلوقتى ياترى ياحبيبى بتاكل ولا مبتكلش بتشرب ولا مبتشربش ياترى بتلاقى حد يغطيك وانت نايم ولا لأ معلش ياريس ده شعب ابن كلب ميستهلكش انت المفروض تحكم فى الملايكه أحنا شعب واطى مينفعش... معاه الطيبه والانسانيه بتاعتك أرجوك أرجع ياريس ارجع بس متنساش تجيب معاك الحاجات الحلوة ال كنت بتجيبها لنا كل يوم احنا اتحرمنا من عطفك وحنانك . ياريس ياحبيبى وحشتنى وحشنى الذل ال كنت بتجرعه يوماتى وحشنى شكل ظباط الداخلية وهما بيطلعوا دين ......؟ ارجع ارجوك وحشتنى طلعتك البهية فى التلفزيون ال كانت بتخلى نفسى تتفتح على الفول وأقسم عليه بالله انى باكل احسن اكل بس ربنا يخلى الريس يديموا علينا نعمة ارجع العيشة من غيرك طعمها مر أوى حرية ايه وزفت ايه ال بيقولوا عليه ولاد الكلب دول دا المر بتاعك احلى من عسل الجنة ارجع احسن الكلاب دول هيرجعوا الشركات المتخصخصة للعبيد ال اسمهم المصريين ارجع دول هيزعلوا مننا شيمن وباراك واليعازر ونتنياهو وعايزين يمنعوا الغاز عن حبيبتى وحبيبتك اسرائيل . أرجع مشوفتش بيعملوا ايه فى الناس الطيبه الصالحة المصلحة حبيبك حبيب العدلى والطاهر النظيف والشريف والفرحة والسرور والعز . الحق ياريس هيخربوا بيوتهم وعايزين ياخدوا شوية المليارات ال طول عمرهم شقيانين بيها ووكلينها حلال من عرق جبينهم ارجع ياريس ارجوك هيمنعوا مننا الاكل الجميل المسرطن والله انا هيجرالى حاجة لو عملوا كده بجد انا خلاص معدتى اتأقلمت على الاكل المسرطن الجميل ياريس هيضيعونا دول بيقولوا هيزودوا المرتبات الشهر الجاى هيضيعوا فلوس البلد فى الارض وهيخلوا الناس تتعلم التبذير وترمى فلوسها فى الارض الحقنا ياريس حرام عليك ولاد الكلب هيلغوا أمن الدولة و بيقولوا الشرطه فى خدمة الشعب يعنى يرضيك ياريس كده يرضيك اخش القسم مايطلعش دين كذا وكذا....؟ ومتشتمش ومتنفخش وأروح بيتى سليم من غير اى علامه فى وشى ولافى ؟ ولا كدمه زقه فى ضلوعى ولا حتى بطحة فى راسى .

وتعال شوف المصيبة الكبرى المسلمين بقالهم صوت فاكرين انهم اغلبية ياريس بجد ياريس انت اكيد مش مصدقنى ياريس شقى السنين ال انت شقيته ده كله هيضيعوه هدر ده هيعملوا حزب للمحظورة وايمن نور بيطلع فى التليفزيون على الملأ والبرادعى وكل العملا للشعب واخدين راحتهم على الاخر ال ايه والشيخ حسان بيجى على القنوات المحليه بعد مكتن ارهابى دولى ووابو اسحاق وغيره من الجهلة والمتنطعين على الدين . ياريس لو فضلت سايبنا كده هدعى عليك بجد ال وعملوا استفتاء على الدستور ال انت تعبت فيه كل السنيين ديه وبقى الشعب الواطى ليه صوت وبيروح يصوت من اولها ياريس خلوا الشعب يصوت امال لو قعدوا شويه هيعملوا فى الشعب ايه علشان بس يعرفوا قيمتك ويعرفوا انت كنت مريحهم لابيجوا ولا بيروحوا وكنت مخلى ولادك همه ال يتعبوا ويصوتولهم . هييييييييييه هقولك ايه ولا ايه ولاايه ياريس دول عايزين يمنعوا حتى الرشوة قولى بس هنعمل ايه فى الغبياء دول ال مش عارفين مصلحتهم . اخر حاجه هقولهالك وانت حر بقى .

والله والله والله عينوا رئيس وزارة من ميدان التحرير وشالوه على رقابيهم وخطب فى وسطهم والله ياريس حاجة تجن واحد كان متهم فى عهدك بالشرف والامانة دلوقتى بيعينوه ال كمان وبيتمنوه رئيس جمهورية .

ياريس سامحنى اللهم بلغت اللهم فاشهد . وانت حر .

وهقولك القنبلة ال كنت مخبيها عليك دول بيقولوا العيال بتوع التحرير ال ماتو شهداء والشعب ال مش هيسكت ويعتبر ان الثورة نجحت الا لما يجيبوا رقابتك حبل المشنقة انت وباقى العصابه شوفت الجهل وصل لأيه بيقولوا ربنا قال كده وده اسمه القصاص.

انا اسف المصايب ال عاملين يعملوها كتير والعيشة من غيرك بقت نكد وهم ووجع قلب وقلبة دماغ أرجوك أرجع الجرعة بتاعة الذل معادها جه ومش قادرين نتحمل اكثر من كده.

الاخ الفاضل حاتم بك
شكرا لهذا الاسلوب الرائع والذي عشناه جميعا
اثناء الثوره المباركه
والتي تجعل الشعب المصري
يستحق ان يكون اعظم شعوب الارض
بما له من هذه الروح الجميله المبدعه
ويجعل من مصائبه نوادر وطرائف
فشكرا لك اخي الكريم والي المزيد من ابداعاتك
كذلك لي رجاء خاص واعتذر ان كنت افرضه علي سيادتكم
وهو ايصال رسالتي الملحقه مع هذا الرد للمهندس سامي خشبه
ان امكن لسيادتكم ذلك وانا دائما لكم من الشاكرين علي مجهوداتكم لنا
وفقك الله دائما حاتم بك والي رسالتي للمهندس سامي خشبه



******************************************
*********************************************
****************************************************
بسم الله الرحمن الرحيم
وبه نستعين والصلاه والسلام علي اشرف المرسلين
سيدنا محمد الصادق الوعد الامين
اما بعد / أخي وصديقي العزيز م/سامي بك خشبه(عقاد المنتديات العربيه)
عودا حميدا ومباركا لنا جميعا ان اتشرف بلقائك بعدما فعلت كل ما في وسعي
كي التقي بك عبر هذا المنتدي الكريم اوغيره كذلك ان اتقدم باعتزاري للاخت الفاضله
موجه مصريه وارجو منها ان تتقبله مني
--خاصه اخي الكريم اننا جميعا نعيش لان ازهي واعظم ايامنا والتي تزكرني بايام اكتوبر العظيمه
-كذلك ومع اندلاع الثوره المجيده وبخاصه اننا كنا هنا في الاسماعيليه من اولي مدن مصر
التي حظيت بشرف انطلاق الشرارات الاولي لثوره المباركه
وبالطبع كان لي شرف المشاركه بها واسمح لي الا اخوض في التفاصيل كي لا ادعي بطوله
لا استحقها بل يستحقها ابطال ضحوا بارواحهم من اجل هذا الوطن وكانت امنيتي ان انال شرف الشهاده معهم والله علي ما اقول شهيد ولكن لم يكتبها الله لي فاللهم ارزقنا الشهاده-----امين
--تم اسمح لي ان اقول لسيادتكم انك كنت الحاضر الغائب معي اثناء الثوره
وكثيرا ما كنت اتذكر ثورتك وهجموك الحاد علي الظلم والفساد
وكنت ارد عليكم بأننا يجب ان نحافظ علي صورتنا امام الاخرين
والحمد لله صدقت رؤيتك وتحققت امنيتي قي الصوره المشرقه لنا كمصريين امام العالم اجمع
اخي الكريم الحقيقه انني اتقدم لكل من اعرفهم او لا اعرفهم بشكري وتقديري
واقول اجميع مصر رحعت تاني لينا





وارفع راسك فووووووووووووووووووق انت مصري
واخيرا تقبل اعتذاري انت وكل احبائك في المنتدي لعدم مشاركتي منذ وقت طويل
وذلك لاسباب يشرفني انني مررت بها واعيشها حتي الان وان كتب الله لي الحياه
فسوف نلتقي بمشيئته تعالي ونكمل معا ما بدئناه من اجل مصرنا العزيزه
وان كتبت لي الشهاده وقدر الله الموت او اي امر يحدث لي فلست افضل ممن ضحوا بارواحهم
--عاشت مصر وعاش ابنائها الكرام الشرفاء من امثالك
ودمت ودام عطائك واتركك في رعايه الله وامنه وعنايته
والسلام عليكم ورحمه الله وبركاته
اخيكم/السيدصالح المالح-الاسماعيليه- مصر الحره
ملحوظه يشرفني ان تراسلني دائما علي هذا البريد الالكتروني
[ندعوك للتسجيل في المنتدى أو التعريف بنفسك لمعاينة هذا الرابط]

اعتذر لتكرار لتأكدي من وصول الرد-------وشكرا

بص عشان رسالتك توصل لسامى هدده
انه لو ماردش على الرسالة هندعى كلنا ان مبارك يرجع تانى
اختار يا سامى ترد على الرسالة ولا بابا ......... اوبح يرجع تانى