كلام فى الممنوع

كلام فى الممنوع
من غير صكوك قانونية ولا شهادات تعليمية تقول أنا باشا ومهندس ودكتور ....بهية هتكلم كلام فى الممنوع, أصلى الريس خلاها وراثية من
ابن لأبن لحفيد ما هى بهية طيبة وفى الجلابية والطرحة مدارية , اصلى الى بناها كان فى الأصل حلوانى

أتهموكى أنك طيبة ولصوت الحق مش هتصرخى ولا تقولى الأه أصلى الطيبة يعاقب عليها دلوقت أصحاب القوانين الى أتعلموها
فى كتاب وأقسموا اليمين ينفذوها, بقولك ايه يا


قاضى ...العدل صديق الرحمة وابن عم الطيبة وأخو الحق, أصلى بهية بتحب الود وعلى العهد بتود وبتقول أصلى دول أخواتى واصحابى وحبايبى أصرخ ازاى بس!!! بس هيا متألمة من تشخيص الدكتور لما قال اعزلوها فى مكان وخلوها تتفرج يا سلام على الهندسة والأباكتو والباشا كمان بيخططوا ويرسموا ازاى نكون عرايس متحركة تتحرك فى حركة دائرية من غير ما تقول ليه وعشان أيه , أصلى بهية طيبة فى الطرحة والجلابية مدارية ما تقدرش تقول الاه بتخاف من سنانهم أصلها حامية ساعتها الصكوك القانونية هتدين بهية وتقول قلبت نظام الحكم والدكتور هيشخص الحالة جنون جنون وبتهيص أنسجوا فستانها الابيض وعلى الكهربا تعيش, تصرخ وتقول ده أنا بهية أم طرحة وجلابية

والريس هيعمل أيه أصلى ودنه بتحب المغنى الى على الربابة ويقول الله الله
معلش يا متفرجين ده كلام فى الممنوع

أصلى الحكاية أبتدت من هناك لما كان المكان مكان والزمان زمان والريس عمال يقلب فى الصفحات ويجيب من هنا وهناك ما كانش يعرف أنها ولاية وهيبقى فيها عالم وحكاية وكل حكاية رواية وكل رواية أبطال على المسرح واقفين يمثلوا أدوارهم منهم الحزين والفرحان والكل فى الأخر يصفق له ونقوله كمان من جديد

معلش يا أخوانا ده كلام فى الممنوع
أصلى بهية طيبة بالطرحة والجلابيةخلاهوا مدارية

والا تحبوا تكملوا كلام فى الممنوع




وانتِ يا صبية يا جميلة ومدارية طلقك الواد علشان الأجنبية أصلى فلوسها أجنبية وفى السوق السودة

بتزيد كل يوم أنما انتِ مصرية رخصوكى لأنك بنت بهية أم طرحة وجلابية

بس برضه لكِ سحر فتان وهيرجعوا لحضنك بعد فوات الأوان

أهو بقى كلام فى الممنوع و هيقولوا عليكى ده هذيان

موجه اليوم وغدا