رشا
عضو ماسى
 17/5/2009 : 13/03/2010
العمر : 41
الموقع : قلبى مثل قبرى لا يسكنه الا واحد
 | موضوع: ولاد الحلال مخلوش لولاد الحرام حاجه  السبت مايو 15 2010, 03:00 | |
| حاجه عبيطة أوى ... تركب مع سواق تاكسى وكالعادة يفضل يشكيك همه
وأنت هاين عليك تخنقه عشان يسكت وتدور على حد تشكيله همك .. لكن الغريب أنك تركب مع
سواق تاكسى ويحاول يشحت منك ... دى مصيبه سودة .. والمصيبه الاسود أنك تصدقه وتبقى
خلاص حتطلع اللى فى جيبك تديهوله وفجأه ربنا ينور طريقك وتحس أنك كنت على وشك تاخد
قفا محترم كالعادة كل ما تحاول تعمل نفسك ابن ناس وتكسب ثواب فى واحد وتكتشف أنه
نصاب ونصب على 10 زيك وأجدع منك وتحلف ميييت يمين أنك مش حتساعد غير اللى تحس أنه
محتاج بجد .. عشان يجى اللى بعده يديك قفا أكثر أحتراما من اللى قبله.. من كام يوم
كده ركبت مع سواق تاكسى كان مركب ناس قبلى ولما تزل الناس اللى معاه أول كلمه قالها
ناس غريبه واللهى .. تضامنا منى مع أنى مش فاهمه أى حاجه ولا مين دول أصلا بس عشان
محرجش الراجل قولتله معلش .. طبعا ما صدق أنى رديت عليه راح موطى الراديو اللى كان
فاتحه على أذاعة الاغاتى وابتدى وصلة النصب .. تصدقى يا أستاذه وديت أمى تجيس
رجليها شرخ بسيط كده بس جبست رجليها تخيلى الدكتور عايز 80 جنيه .. طبعا اتضايقت
أوى وقولتله لا خول ولا قوة الا بالله معلش .. وكلام من ده بس كان من قلبى والله ..
بس قالى بعدها الدكتور حاجز أمى فى المستشفى أديته 65 جنيه مرضاش ابدا وقولت
للدكتور حنزل الملك ال 15 جنية الباقين بأى طريقة حتى لو حشحت من الناس اللى فى
الشارع .. !! طبعا على طول عنيا دمعت وصعب عليا اوى وقولتله ربنا يقويك دى ناس
معندهاش قلب ومعلش وفضلت طول الطريق أفكر ازاى أديله فلوس من غير ما أجرحه أو احسسه
أنه بيشحت ... وفضل طول الطريق يدعى لنفسه .. ربنا يقوينى ... حلها من عندك يا رب
... يا رب وقفلى ولاد الحلال .. يا رب ماليش غيرك .. أنا حجمع الفلوس حتى لو حشحت
من اليهود ...وفضل يدعى ويبالغ أوى ويهز راسه بحسره وهو بيضرب بطرف عينه على الفلوس
اللى فى ايدى يشوف اخرى كام بالظبط.. وقتها بس حسيت بالقفا اللى قولنلكوا عليه ..
محاولة النصب .. من كترما دعى و كلم نفسه وفضل يقول أعمل ايه وأتصرف ازاى كأنه
بيسمعنى وبيقولى خدى بالك بقه خلى عندك دم .. بقولك محتاج هه فتحى شويه ... حسيت
أنى شفت المنظر ده قبل كده لما يوقفك حد فى الشارغ يقولك محطه مصر فين تقوله دى
بعيده أوى يكلم نفسه بصوت عالى .. طب اعمل ايه يا ربى أروح فين .. اجى منين .. أجيب
فلوس منين أروح هناك .. كده يعنى تعرف على طول انك كان حيتنصب عليك وربنا سترها
معاك .. دى عمليات نصب ساذجه بتحصل كل يوم وبنقع فيها برده بس بنيه صافيه أنك كان
نفسك تساعد حد .. ويتحرق دمك أوى لما تاخدك الشهامه وتتطلع كل الى فى جيبك وبعدين
تفهم النصبه وأنك اتضحك عليك بالقوى .. مش زعل على الفلوس بس زعل أنها مرحتش لحد
محتاجها بجد .. المهم فى الموضوع أنى بقول كده عشان تاخدو بالكم من التاكسى اياه
عشان لو حاول يعنى يضحك عليك أو حاجه .. يعنى أهى نصيحة يمكن تنفع فى حاجه وميتنصبش
عليك عشان أول ما حد يقولك أمى محجوزة فى المستشفى تضحك وتقول فى نفسك ولاد الحلال
مخلوش لولاد الحرام حاجه
| |
|
العاشق
عضو ماسى
 17/5/2009 : 13/03/2010
العمر : 44
| | موضوع: رد: ولاد الحلال مخلوش لولاد الحرام حاجه السبت مايو 15 2010, 03:31 | |
| ههههههههههههههههههههه
فعلا ولاد الحلال مخلوش لولاد الحرام حاجه | |
|
مصطفى فارس
مشرف القسم الدينى
 17/5/2009 : 13/05/2010
العمر : 49
| | موضوع: رد: ولاد الحلال مخلوش لولاد الحرام حاجه السبت مايو 15 2010, 12:06 | |
| هيدا الشي من قلت الايمان وعدم تمسكنا بدينا | |
|
عصام اسكندر
مشرف منتديات ايام زمان العامه
 17/5/2009 : 06/04/2010
العمر : 54
| | موضوع: رد: ولاد الحلال مخلوش لولاد الحرام حاجه السبت مايو 15 2010, 17:10 | |
|  تحياتى اخت رشااا عصام | |
|
رشا
عضو ماسى
17/5/2009 : 13/03/2010
العمر : 41
الموقع : قلبى مثل قبرى لا يسكنه الا واحد
| | موضوع: رد: ولاد الحلال مخلوش لولاد الحرام حاجه السبت مايو 15 2010, 19:27 | |
|  شكرا استاذ عصااااااااااااااام تحياتى لك الملاك رشااااااااااااااااا | |
|
