((اراضينا الزراعية والصحراوية ))
قلت اروح اشوف اراضينا الزراعبة والصحراوية واللى بيجرى فيها وحواليها-
الارض السودة ام طميه اللى بتجيب احلى واغلى زرع -- وبتنمى الزرع والمحاصيل ويطلع فيها من كل الاصناف وكل المحاصيل والخضروات والفواكه والموالح من كل صنف ونوع الصيفية والشتوية
وقالولى تعالى شوف الصحراء اخضرت وبقت حاجة تانية افتكرت اغنيه زمان بتقول يا صحراء اللمهندس جاى اللمهندس جاى يعمر الصحراء ويخضرها --
ودار فى خاطرى سؤال طيب لما الصحراء اخضرت واتزرعت -بالخضار والفاكهة والمحاصيل والموالح اللى محتاجينها -طيب-ليه الاسعار غالية ومولعه نار
وليه الفقير البسيط من اهل بلدى موش لاقى لا خضار ولا فاكهة ولا محاصيل ولا موالح الا بالضالين -وياريت يلاقى حاجة مفيدة
لا قيت العجب العجاب -لاقيت البهوات الكبار من علية القوم والوزراء ----ومجموعة المستفيدين من الاقطاعيين والرأسماليين واللى مسيطرين على راس المال واللى عندهم كتير وكتيروكتير ولسه عايزين تانى وتالت ورابع كمان وكمان واللى كانت الثورة انتهت منهم زمان وقضت عليهم و اللى رجعوا تانى بس بيطلق عليهم قال ايه رجال اعمال اخدوا الارض بالمجان علشان يستصلحوها ويزرعوها -وبالخير يملؤها من خضاروفاكهة ومحاصيل وموالح-علشان اهل مصر من الغلابة والمحتاجين واللى هما موش لاقيين وفيهم كتيربينام من غير عشاء ويمكن كمان من غير غداء وكتير من اهل بلدى مصرفيه حاجات كتير لا يعرفها ولا تذوقها ولايمكن حتى بيسمع عنها
لاقيتهم اخذوا الارض بالمجان علشان ايه يستصلحوها ويزرعوها من كل الخيرات ولما الارض تستصلح وتنزرع شوف كام من الايادى المصريه ها تستفيدو كام من العمالة ها يشتغل-وكام من الاسر ها يعيش والرزق يزيد وكام من البيوت ها ينفتح وكام من الشباب يتزوج والبطالة يقضي عليها بالتمام--
لكن يا اسفاه والف حسرة على اللى كان --لما رحت وشفت اللى صار على طول الطريق وعلى الجانبيين شمال ويمين -من اول ما تدخل تلاقى البهوات الكبار من رجال الاعمال والوزراء وعلية القوم (وتلاقى العجب العجاب )
بنوا عليها قصور وفيلات --ووسطيها حمامات للسباحة والعوم ويبيعوها باليورو والدولارات--واطلقوا عليها منتجعات بالبيسمات--للترفيه والرياضيات--
واصبح المتر فيها بالالاف وياريت بالجنيه لااصبح بالدولار واليورو كمان----------------
-واصبحت البنوك مليانه من السرقة والنهيبة ------
ولما سالت عن اراضينا الزراعية اللى طينتها سمراء وطمية -افتكرت زمان أغنيه بتقول الارض أرضنا عن ابونا وجدنا وبكرة ولا بعده لاولادنا بعدنا--
لاقيت اعجب من اللى فات اصحاب الارض بيبوروها علشان يقسموها ويبيعوها --ويقيموا عليها الابراج والمولات الحديثة
ويقضوا على الزراعة اللى فيها قلت دى مصيبة كبيرة ومين مشترك فيها --لاقيت ايادى كتيرة -من العاملين فيها واولهم الفلاح اللى مالكها وبيزرع فيها ووجدت فى بعض البلاد داخل مصر والاوطان بان الاب والجد اللى كان بيزرعها مات الى رحمة الله
وطلع بعده جيل من الابناءمن الدكاترة والمهندسين والضباط والمحامين -من الذكور والاناث والمستشارين والقضاة--مالهمش فى الزراعة ولا الفلاحة قاموا باعوها --وبفلوسها شغلوها فى مكاتب للسياحة والفندقة--وتركوا الفلاحة والزراعه
وناس من ضعاف النفوس من الزراعه والمساحه والاحياءشاركوا وساعدوا فيها
واصبحت الاغنيه بتاع زمان --دلوقتى الارض كانت ارضنا عن ا بونا وجدنا وبكرة ولابعده لا عدائنا بعدنا
واعدائنا اليومين دول كتير --من اصحاب الملايين واصحاب السطو والنفوذ- والاقطاعيين والراسماليين واصحاب السيطرةعلى راس المال اللى هما الان فى صورة رجال الاعمال-ده غير العدو المتربص ببلدك وبيك من
الصهاينة الملاعيين --والامريكان-اعداء البشر والدين --واللى هما اصلا سبب بلاوى البشرية من ارهاب وتقتيل وخراب وتدمير -وازمات مالية واقتصادية --وده كله زود البطالة
فى العالم -واصبح الكل يبحث ويدور عن حلول للخروج من الازمات المالية والاقتصادية
وده اللى اصبح وسار وكان فى اراضينا الزراعية والصحراوية
واللى اللقاء فى مقال عن النيل العظيم
مصرى اصيل
