السلام عليكم ورحمة الله وبركاته
ويومياتى اليوم عن السلوكيات من بعض المواطنين فى شوارعنا ومدنا واحيائنا وقرانا المصرية---وكذلك عن بعض المسؤلين فى بعض الجهات الحكومية --
وابدأها-بمحافظتنا محافظة الجيزة
والجيزة محافظة عريقة بالاثار القديمة مملؤة --واثارها تدل على مكانتها القديمة --والحديثة وتدل على مهارة وفن وهندسة الاجداد فى البناء والعمارة--وكذلك بالجامعات والعلم على اراضيها --فهى منارة فى كل المجالات القديمة والحديثة-
والجيزة بها عدد من الاقسام والمراكز وكذلك يوجد بها عدد 7 احياء--
وانا يشرفنى ان اكون من ابناء الجيزة --ومن ساكنيها ومواطنيها --وكمواطن من مواطنى حى العمرانية --وحيث اننى اتجول فى هذا الحى ليلا ونهارا مترجلا او راكبا سواء سيارة او ميكروباس او سيارة اجرة او ملاكى او اتوبيس او اى مركبة من اى نوع --مررت كثيرا على شوارعها وعلى المدن او القرى التى تتبع الحى--وحيث ان الحى به عدة شوارع رئيسية يربط الحى باحياء اخرى وكذلك يربط بعض المدن بعضها البعض--
واتحدث معك كزائر للحى او واحد من المواطنين القاطنين به --واتكلم عن بعض السلوكيات التى تحدث من بعض المواطنين وكذلك من بعض رواد هذا الحى من كل الاصناف والمهن --
وتبدا طلعتك البهية من اول ماتنزل من العربية على شاع الهرم لتدخل الى الشاع الرئيسى عثمان محرم تجد ما لا يسر عدو ولا حبيب --تجد الباعه الجائلين على اليمين وعلى الشمال مفترشين --وعلى الارض قاعديين بانواع كثيرة من الفاكهة والاحذية والاكسسوارات من كل صنف ولون وده بطربيزة واقف وده بشواية للذرة الشامية جالس وده للا حذية فارش وده للعب الاطفال عارض--وغيره بالملابس -وغيره وغيره وتلاقيهم بنصف الشارع محتكرين ولا زمة المرور متسببين وباختناق الشارع فاعلين--وكانهم للشارع مالكين او مستاجرين
وتجد سيارات الربع نقل اللى فى نقل الركاب محشورة وبالناس مزدحمة ومملؤة --واللى بيسوقها صبية وشباب صغيريين--وبقوانين المرورعرض الحائط ضاربين --مع العلم بان القيادة فن وذوق واخلاق--وهؤلاء لا تجد عندهم لافن ولا ذوق ولا يعرفوا شىء عن الاخلاق--وتدور على قانون المرور اللى صدر من سنة الا كام يوم تجده اتعمل علشان تحصيل النقود --ولما توصل عند الكوبرى العلوى اللى اتعمل علشان يربط البحرى بالقبلى -ويفك الاشتباك الموجود ليل ونهار على مرأى ومسمع من اللى رايح واللى جاى-وهنا تقف لحظات علشان تتفرج على العحب العجاب تحت الكوبرى تجد ما لايسر عدو ولا حبيب من الباعه الجائلين باعة الفاكهه والخضروات والاحذية المفروشه على الارض كمان -واللى زاد الطين بله التوك توك بيه اللى بيعمل عليه الاطفال والصبية الصغار ودى بقت موضه وتقليعه وبالسماعت الكبيرة عاملين طرش للرايح والجاى
والطريقة دى موجودة لحد ما تنتهى بك السيارة الى اخر الشارع فى قرية الكونيسة وتلاقى الشارع يمين وشمال عمال يشتكى من اللى بيجرى وبيحصل فيه -ولا يجد من يسال فيه--
ولما تتدخل لحد الكوبرى العلوى اللى على الشارع ارتفع علشان يفك ويحل ازمة الاختناق والازدحام فى مفترق لعدة طرق
تجد العجب العجاب فى هذه المنطقة بالذات والكوبرى اللى اتعمل واتصرف عليه الملايين --وكذلك الشاع اللى تم رصفه وتوسيعه وتخطيطه --الشارع بعيد عنك اتخذوه جراج على اليمين وعلى الشمال وفرصة كمان فى وسط الشارع فى الاتجاهيين السيارات مركونه معطلة اومجرشه او واحد واخدمكان اما م ا لورشة للا صلاح --وده كله مسبب الازدحام والاختناق فى الاتجاهين على الرايح والجاى --وكانك يا ابوزيد ما غازيت--بسبب السلوك الخاطىء --واللى زاد وغطى على كل ده المواقف العشوائية اللى افتعلوها فى الشارع ولا من رابط ولا من حاكم ولا من مسؤل من المحافظة او من الحى او من المرور --
وتيجى لشارع ترسا من عند طلعة الكوبرى البهية اللى على الطالبية مؤدية --تجد مواطنينا الكرام من ساكنين الحى او الزوار--اتخذوا طلعة الكوبرى جراج وبالسيارات راكنين وعلى طول الشارع واقفين --وباعلى الكوبرى منتظريين بالسيارات من بعد العصر لحد الصبحية-
وفى شارع ترسا كمان اللى بعض المواطنين الكرام اتخذوا اكثر المحلات لعرض السيراميك اما م المحلات وفى وسط الشارع عارضيين --وتجد كل محل من اياهم متخذ عدد من السيارات الربع -نقل والنصف كمان وموقفهم امام الباب ويزدحم الشارع بالعربات والسيارات ويقف الشارع بالساعات ولا تجدمن ر ابط ولا امر ولا مسؤل يقول للناس دى ممنوع -ولا يطبق عليهم قانون ولا مخالفات للمرور --
ولما سمعنا عن تخطيط لشارع ترسا بعد اللى كتبته ووجهته للسادة المسؤلين بالمحافظة العريقة -قلت خير اللهم اجعله خير ده ربنا استجاب لدعائنا والمحافظة ها تنفذ المطلوب واستعجب واقول ياريت المسؤلين ماعملوا اللى عملوه ولا اتحركوا ونفذوه قال ايه عملوا حاجز فى وسط الطريق عرضه حوالى 75 سم علشان الشارع يبقى يمين وشمال -ودى كانت فرصة كبيرة لزيادة المخالفات والاستهتار والرعونه من المواطنين والتجار وعندنا البشر دائما تمشى عكس اللى بيتعمل ويتقال --عاديك على اللى حصل --الاول كانوا بيركنوا اما م المحلات والان بقت رسمى يااستاذ وعلى جانب الرصيف اللى فى وسط الطريق واللى اتعمل جديد وعلى الشمال واليمين بقت السيارات مجرشة ومركونة -
انا كان نفسى وكان قصدى ان السيارات المركونه والمجرشة على الجانبين تترفع من الطريق ويكون هناك خدمة مروريه متواجدة على طول الطريق تتابع وتنفذ هذا الكلام -واللى يخالف يطبق عليه قانون المرور الجديد ومواده
وانا من خلال مقالى هذا ادعو السيد اللواء المهندس -محافظ الجيزة لزيارة سريعه لشارع عثمان محرم وترعة ترسا -والكوبرى العلوى
ولكن لى رجاء ان الزيارة تكون فى الخفاء بعيدا عن التزويق والتلميع وكله تمام-علشان ترى سيادتك كل حاجة على الطبيعة من غير رتوش ولا تجميل --وعند الاطلاع على الطبيعه اتوقع ان الكل سوف يقال او يتنقل لاى مكان-وشكرا
مصرى اصيل
