الكوسه والوسايط فى بلدنا

17/5/2009

الكوسه والوسايط فى بلدنا
ازيكم يا احلى اصحاب واعضاء فى الدنيا كلها
انا النهارده هتكلم عن موضوع مش موجود من دلوقتى
هو من زمان بس بقى كتير اوى اليومين دول
وهو موضوع الكوسه والوسايط
الكوسه بقت فى كل حاجه فى الشغل
فى المصالح الحكوميه فى الاقسام فى الدراسه فى كل حاجه
واحيانا بتضيع تعب وشقى ناس كل ذنبها انها ملهاش وسطه او ضهر فى البلد دى
على سبيل المثال انا كنت مع صديق ليه كان بيجدد بطاقه الرقم القومى
وواقفين فى طابور طويل عريض والناس كتير وواقفين بقالنا حوالى ساعه ونص ولا حاجه
وجه واحد نزل من عربيه راح داخل على الموظفه اللى على الشباك
وقالها خدى كلمى فى الموبايل
مش عارف كانت بتكلم مين وقعدت تقول حتضر يا فندم تحت امرك واللى انت عايزه
زى ما تكون بتكلم الريس بتاعها
ومجدر ما قفلت قامت قالتله اتفضل وقعد على كرسى زى الباشا وشرب قهوته
وورقه خلص واتصور وهو ماشى قالتله تيجى تستلمها بكره كل ده قدام عينا
رغم ان معادها بيبقى بعد اسوبعين او اربع ايام لو مستعجله يعنى
وده عمل حاله من الضيق والزهق للناس اللى انا وصديقى كنا منهم
وبدانا نزعق معاهم ونقول مش ده دور ولا هى ناس وناس
تقوم ترد تقول اللى مش عاجبه يروح يشتكينا
المهم اليوم عدى بعد ما طلع عنينا
ده حزء من واقع وفى حاجت اكتر من كده بكتير
زى اللى بياخد من مكان واحد فى الشغل بتاعه
عشان هو قريب المدير ولا حاجه
او لما واحد غلبان يا عينى يتخانق مع واحد بن ناس وممكن يكون بن الناس ده اللى غلطان ومع ذلك يدخل القسم ويتشال على كفوف الراحه والتانى يتسب ويتشتم ويبهدلوا كرامته ويمرمطوا اهل الواد ده عشان كل ذنبه انه عادى على قد حاله
واللى بيروح جامعه قريبه منه على حساب واحد تعب وطلع عينه وذاكر
وكل ذنب الشاب اللى ذاكر ده انه ملوش حد يوصى عليه
هقول ايه بس ولا ايه
بجد حاجه تزعل اوى للدرجه دى مبقاش فى مساواه ولا عدل؟
يا جماعه حد يقولى انا صح ولا غلط ولا يمكن بحلم ولا حاجه؟
معلش انا اسف انى طولت عليكم بس بجد امتا بقيت بشوف الحاجات دى كتير ودمى بيتحرق على الاخر
ياريت اعرف رايكم فى الموضوع الخطير ده

عضو ماسى 17/5/2009 : 13/03/2010 العمر : 44

17/5/2009

اشكرك اخى منتصر

على مرورك الجميل

تحياتى

عصااام

17/5/2009

17/5/2009

اشكرك اختى على مرورك

تحياتى

عصااام

» الكوسه
» النيل العظيم فىة بلدنا مصر المحروسة
» من اكبر واعظم المصائب التى حلت فى بلدنا(الخصخصة وبيع الشركات)