النيل العظيم
1---النيل فى الزمن الماضى الجميل
وفى النيل العظيم اللى عايش بينا من الاف السنين-اللى جاى من الجنوب الى الشمال ومتفرع منه البحور والترع والقنايات فى جميع المحافظات والاقاليم والبلدان والفلاح بيزرع ارضه بمحاصيلها وخضارها والكل كان بيحافظ على طرح النهر اللى مليان بالخير وعلى كل صنف ونوع -كان زمان الميه صافية ورايقة -وكان الفلاح يشرب منها ويتوضا -وكان النيل بالخير مليان--وكنا بنقول الميه الحلوة جاييه فى الترعه والقنايه --وكان الصياد الغلبان ودى كانت مهنته واكل عيشه يصطاد للاكل والبيع ويحافظ على النيل لانه كانت حياته كلها فيه--
والرزق كان بيزيد على ضفاف النيل وترعه وبحوره ومصارفه وقناياته-والكل كان بيحافظ عليه زى ضىء عنيه-
2--النيل فى الزمن الحاضر
والان اصبحت الميه اللى جايه فى النيل والترعة والقناية بالتلوث مليانة -وبالجثث غرقانة --والنفايات من المصانع والمجارى مليانة--والنوادى والمسارح --والعوامات والقوارب- وعاديك من اللى بيحصل من المواطنين اللى سلوكهم بعيد عنك مشين ومريب اللى بيرمى الجثث النافقة واللى بمياه الصرف محولها على المجرى واللى بالزبالة يرمى ولا اللى بالمخلفات من كل صنف ولون ونوع -كل ده خلى لون الميه سوده--وريحتها كلها عفونة وتلاقى ناس جهلة وعن التوعيه ما عندهاش فكرة تنزل بالدواب بعيد عنك حمير وبغال وده حصان كمان علشان ياخدوا الحمام-والكل عارف وعالم بان الميه اللى فى النيل هى المصدرالوحيد للحياة فى بلدنا مصرنا العزيزة
3--مطلوب قانون يحميه
وقلت طيب ده كله ليه --قالوا علشان مافيش قانون يحميه-من الهم اللى هو فيه --واللى بيجرى على شواطئه ومجاريه
من اهله وناسه اللى هم عايشين بينه من الاف ومئات السنين من ايام قدماء المصريين
والى اللقاء فى مقالات اخرى عن السلوكيات فى احيائنا وشوارعنا ومحافظتنا
------مصرى اصيل
